今日放工有時間，又未夠鐘去奶奶屋企食飯，所以又去左邱太小小店度大倒亂呀！
其實上幾個星期都已經好想去探吓邱太，不過因為依排學校又多野做，攪到個人都冇乜心機，所以咁遲先去倒亂。哈哈...不過今日去到有好處，因為今日開始小小店做特價，咁我又可以買到又平又靚嘅衫衫啦！
我今日真係大倒亂，試左好多件衫，又要邱太同A小姐教我點襯衫....都真係麻煩晒呀！
大家睇下我今日嘅戰利品先啦！(因為我係屋企影相影得唔靚，所以就借左邱太三張相。不過我知道邱太係唔介意呀~~呵呵呵！)
粉紅多波波長衫....我覺得有少少懷舊FEEL，著上身又幾舒服呀~
黑色連身裙....著左上身真係瘦好多，有返條腰仔呀~
一條裙仔...好耐都冇買過半截裙，因為我好懶襯衫呀~
原本以為一次過買咁多新衫，會俾大肥豬話。
不過.....大肥豬竟然冇話，仲話心情唔好，買多啲嘢咁就會轉好心情啦！哈哈哈~~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
