因為要返工關係，我同大肥豬都話唔特別係依日去街街慶祝。最後大肥豬就提意帶我去打邊爐....哈哈~~我鐘意呀！
我地去係去左屋企附近嘅酒樓打邊爐，仲要係任食嗰隻呀！除左我地兩個之外，仲叫埋LULU妹一齊去打邊爐添。
雖然依間酒樓嘅選擇都唔算多，都係食D大路野，不過都幾新鮮，一行三人打邊爐，我地都叫左好多野食，食到好飽飽呀！
返到屋企，大肥豬就俾左個驚喜我啦！哈哈~~就係送左一個生日蛋糕俾我呀！
雖然打邊爐食得好飽飽，不過當然要即刻切埋個生日蛋糕啦
哈哈....婚後第一個生日就係咁好開心地過左，雖然好似好簡簡單單咁，不過開心就得啦。如果過得開心，日日都係生日日啦，最緊要係俾我知道其實身邊都有好多人好鍚我呀~~
今年我其中一個生日願望就係希望我身邊所有嘅朋友都可以開開心心咁就好啦~~(仲有一個願望唔可以講住，等我願望成真後先話俾大家知啦~~哈哈！)
最後...要再一次多謝各位朋友仔嘅祝福。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
