等左好幾日，心急左好幾日，今日終於都收到啦！
知道YAHOO本《Sharing Life Y! BLOG 生活誌》出版嗰日，見到好多BLOG友仔都話已經擁有左，我都好心急好想睇(大肥豬比我仲心急呀！)。
不過因為大肥豬依排有大PROJECT做緊冇時間陪我去，加上我又怕人多，所以唔去書展，唔可以即刻買嚟睇。當我去書店時，佢地又冇得買，話要等書展完先返貨。
等左好幾日，終於今日收到啦！
收到嘅時候，我就即刻搵..搵...搵，哈哈...終於搵到啦！大家打開第30頁啦，就會見到..................
完全冇諗過我篇介紹排咁前，仲等我係由後面搵上嚟呀！哈哈~~
好幸運地可以得到YAHOO的邀請，能成為其中一份子，真係感到好光榮，好高興....總之就係好開心啦！
其實係幾個月前我收到邀請時，到已經好想話俾大家知我依件開心事，不過為左俾少少驚喜大家，所以就等出版先同大家分享我依個喜悅呀！
我打算會買多一本做留念，留返N年後俾我個仔仔/女女睇，等佢知道我都出過1/50嘅書。(因為以我嘅材料係冇可以會出到書呀！哈哈~)
除左小肥豬嘅兩頁介紹之外，仲介紹左好多人氣BLOG友仔呀，大家有興趣都可以買返留念呀！YAHOO會將扣除成本後用作慈善用途，支持吓呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
