係尋晚靚太飯局仲講緊我D婚禮VIDEO未拎得，點知今朝就收到攝影公司個電話話可以去拎啦！心急嘅我因為要返工唔可以自己去拎，所以下午就派左大肥豬去攞喇！
一返到屋企就即刻叫大肥豬播俾我睇，經過攝影師剪接，成日嘅活動就用左兩隻DVD整晒。我地約用左兩個鐘時間睇晒，唔知算唔算多呢？攝影公司都係俾番兩盒MASTER TAPE我地，係唔係差唔多呢？
我地兩公婆係房用電腦睇，都好回味當日嘅細節，有D場面都好好笑，成個感覺都好好呀！睇完都好想再睇多次，不過我地冇咁做，因為留番之後同屋企人一齊再睇啦！
成套碟都整得幾好，好多片段都有係個DVD度睇到，個角度都幾好，佢地真係唔錯。不過唯一有一樣我唔係太滿意，就係佢地用左一D英文歌做BACKGROUND，我唔係太鐘意依D歌呀，早知佢地會咁做，我就俾自己音樂佢地啦！
依家我努力嘗試將一D片段整上嚟，想同大定分享。希望可以成功啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
