心情真係好..好...好DOWN，點解會有D咁嘅人！
一個識左十幾年嘅朋友，從來都冇做過入任何野得罪過佢，以一個真心真意嘅對待佢，可以話真係隨傳隨到，有事都會去盡心盡力去幫手，總之一有需要都會幫手。
但換來嚟，可以將你D野四周圍講，仲要加鹽加酷...仲要將你D野打橫嚟講，明明唔係..都老作到你係。仲要話親都冇句好，把口都唔知點解要咁臭，總之係你身邊嘅所有人，都用一D好難聽嘅說話嚟唱你......笑你...話你。平時見佢對佢父母都唔好，總之佢做乜都係佢最好，有問題嘅都係你地。
不過..點解佢自己唔會反醒吓呀！一個話你就係人地問題，但個個人都係咁嘅時候，係唔係應該自己檢討吓呢....
真係好唔明白依個世界上點解會有D咁不知所謂的人，點解會有D咁黑人憎嘅人呀！
我知為左依D無賴嬲，真係好唔值，但我條氣真係好頂，點解會咁呀！
依家真係見佢前面，憎佢後面！
講真...真係日久見人心，初初識嘅時候，都冇乜特別.....但人總會為名利所影響，令人係會變質呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
