尋日嘅開放日雖然我係好唔開心，不過係將近結束嘅時候，都有一件好攪笑嘅野。
係開放日嘅跳蚤市場入面，都有一D唔同類型嘅嘢買，除左有之前講過花花買之外，有玩具、電器....好多嘢賣，因為我成日都要係售票處當值，加上自己心情唔係好好，所以都冇去睇過。
但當我係差唔多完結嘅時候，竟然俾我執到一樣唔知係唔係好嘅野~~就係一部蒸面機。
依個蒸面機好抵呀.....係剛開始嘅時候，佢開價係$200，之後一路減...到$150......最後減到$50，當係$50嘅時候，仲同SELL我個學生講笑話要減價到$25。當然學生話唔到事，冇得減啦，都算....又唔係真係勁想要，都係同個學生打算玩吓。
點知，當我當值完嘅時候，我都跳蚤市場八卦吓啦！我見部蒸面機仲未賣出，就貪玩同個老師講吓價....開頭都係要$30先成交，後來我個同事幫我口講價，最後我就以$20買左啦！
雖然唔知係唔係真係得，不過$20又真係幾吸引。如果唔WORK都唔係好傷呀！
我今晚就會試吓啦，試完之後到時話俾大家聽呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
