今日一起身就見到落大雨，個人都已經唔係咁開心！因為一落雨就好怕整濕晒D衫褲鞋襪，仲有就係好難搭車....所以我今日就一早出左門口，諗住預返多少少時間等車，唔會遲到啦！點知....都係要遲到，仲要遲左成半個鐘。真係激死我啦！
事緣就係當我上到小巴嘅時候，發覺部車行得唔係太順，當時以為個司機叔叔因為落雨關係，所以安全行車啦！點知當小巴行上紫灣斜路時，部車突然死火，之後就再開唔到啦！個司機叔叔就叫晒我地落車，之後就CALL另一部車接我地。
真係~~~落雨濕濕仲要係絛馬路邊等車，到真係幾狼狽呀！
等左一陣..就有部車嚟接我地啦！不過嗰時我對腳都已經濕晒...不過都唔理啦，返到學校先整啦！
好在我係出事後第一時間打電話返學校同佢地講聲，當老細知我遲左咁多都冇話我，好在.....
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
