每年必定會係年頭同年尾去拜車公爺爺一次。今日我地同埋爸爸、媽咪一齊去左沙田車公廟啦~
唔知係唔係長假期關係，真係冇乜人，不過都幾好呀~~唔洗咁煙嘛！記得有一年真係好多人，俾其他善信煙到對眼都不停流眼水，都幾辛苦呀！
我地莊完香之後，行左一個圈之後，我地就去求籤啦~~諗起依樣就真係開心呀！
我同爸爸問都係問自身，大家都係求左支『一號(上籤)』，派籤嗰位阿姐都好出奇問係唔你真係兩支『一號』呀！真係攪笑呀！不過『一號』又好似真係幾難求到，我地仲係求五支有兩支係『一號』籤，又難怪佢唔信。
爸爸再求事業，媽咪問自身，都係上籤呀！真係開心呀！我地一家今年都好好運呀！
不過我最開心就係大肥豬求左一支事業籤，佢嗰支係『七十二號』，我初初都真係好擔心，我驚係唔好會令佢唔開心呀！不過...好在佢依支都係上籤，真係人都放心晒！希望大肥豬真係可以工作順順利利。
雖然我唔係超級迷信，但如果求到一支唔好嘅籤，個心理上會好似唔係咁開心，但好在我地個個都順順利利~~~希望今年我地一家真係可以平平安安啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
