今日一返到工就要開始數錢....仲要係好D濕濕碎碎嘅毫子，真係頭都痛啦！
事關我地天主教學校係三月份都會為明愛機構舉行『四旬期捐款活動』，每一班都會有一隻羊仔錢箱，等D學生捐錢入去，當然唔限佢地捐幾多啦！
就係依個原因，個個學生都係捐毫子，仲要係一毫最多。最誇張就係有一班數完之後，竟然有成三十幾蚊一毫....真係數死我呀！
我唔係唔讚成佢地捐錢，但都唔好全部都係毫子呀。
依家先係數左幾班，仲有十班嘅羊仔錢箱未數呀！我食完飯之後又要再努力啦！
依家...唔知係唔係D錢有味呢，我成對手都已經好銅臭味...洗幾次手都仲有呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
