今日放假，食完LUNCH之後冇乜特別嘢做，咪同媽咪去旺角一帶行街啦~
原本都好地地，點知突然落大雨![]()
，我地又冇帶雨傘，無理由行左唔夠十分鐘就走，都浪費車錢啦~唯有去買把貴貴地的傘之後繼續行花園街啦~點知我地越行越大雨，好多地方都好濕，真係好唔方便呀。因為真係太濕同埋冇乜街邊檔行到，後來我地改行室內商場，但都好慘，好多人呀!想買嘢都唔方便呀!
講番我今日的戰利品啦![]()
首先行過莎莎(主要都係避雨)，醒起要買乾濕粉撲等影相用，所以就買左兩SET啦！跟住就行精品店，見到已經出左我的最愛--玉桂狗![]()
已經出左2007年年曆簿(正版嫁)啦~~~當然就係忍唔到手買左。最後行過一間男裝店舖，見左嗰D男裝恤衫大特價~~$150兩件(質地都唔錯，原價係$250一件)，我見好抵同埋大肥豬著緊個D都好舊，所以我就一次過買4件俾佢返工。
今日真係![]()
買左好多嘢~~
P.S：感謝iaoiao都我整icon，有多D得意公仔，睇都開心D![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
