PlayHouse大放電

17 AUGUST 2014(SUN)

由於我地應邀參加Purple姐姐嘅小精靈音樂劇試堂(請按此)，所以我地就有機會嚟剛剛係八月中先開幕嘅 i-SQUARE Play House E Cube Club玩啦~

小小豬一入到Play House已經好興奮，戴埋手帶就直頭仲心急啦~

入PlayHouse第一時間當然就係除鞋仔，依度放鞋位都幾大哦~

小小豬要入去上堂先，未有得玩住。就趁佢上堂之時，等我四周圍參觀吓先！

其實一嚟就見到依間PlayHouse一定有嘅小屋子~

仲有好多積木呢~

為左方便家長陪小朋友玩，場內都有好多儲物櫃借用，我覺得租金十元都幾抵呀~

係場中有一個大型互動舞台遊戲，可以俾小朋友上去行CatWalk同跳舞。就係我地等小小豬上堂時，剛好就有一堂練習。小朋友俾二十蚊就可以去參加，會場會提供靚靚跳舞衫，仲有職員姐姐教小朋友CatWalk同跳舞~

另一邊就有一個遊戲區俾細小嘅小朋友玩~

至於小小豬最愛嘅大迷宮，依度都有好多嘢玩，又彈彈床、滑梯、波波池，亦都有個小型攀石添呀~

雖然個迷宮就冇MegaBox咁大，不過由於只有一個地方出入，加上又只係得兩層，所以我地家長唔洗陪埋小朋友入去迷宮追住，只要企係出入口位咁就可以舒舒服服咁睇住小朋友玩啦~

哈哈哈...小小豬終於上完堂啦，一出課堂就當然嘈住要去玩啦！

先嚟扮吓型仔渣靚車先~

之後已經忍唔住，要去大迷宮不停走走走啦~

之後就執小波波去射槍，依個傻豬仔都唔知來來回回行左幾多次，見佢拎住個一籃滿嘅波波好小心但又好心急咁行去射槍位，又真係幾好笑呀~

當然唔少得去玩波波池啦~

我同大肥豬車輪轉咁陪小小豬玩，我地兩個都攰都冇朋友嘅時候，小小豬仲精力充沛，所以等小小豬休息一陣之後，就俾佢自己係迷宮入面玩，我地要休息啦~

真係要讚吓場內嘅職員哥哥姐姐，佢地真係好落力同用心咁幫小朋友，就好似場內冇晒啲射槍波波嘅時候，佢地會幫小朋友去搵，仲會好溫柔咁同霸住啲波波講叫佢地分享一齊玩。

另外，見到小朋友唔夠高爬嘅時候，佢地會即刻上前幫啲小朋友，仲會陪佢地玩一陣添呀！

依個精力超級旺盛嘅小小豬竟然可以係入面玩左都差唔多兩個鐘，真係唔知佢點解玩咁耐都唔會攰，真係唔可以低估小朋友愛玩嘅精力呀！

MY FACEBOOK~


MY WEIBO~