今日老公夜晚成班男人去年尾party,我就變相成日都唔駛煮飯,一個人,好,就去金浦新開既Lotte Mall,今日正式開張...
食完午飯,就展開個人長征之旅. 好耐都無搭地鐵,都莫講話新開既9號線,哈哈~大鄉里出城咁, 9號線好新好靚呀,成程地鐵WIFI又行得順,抵讚!![]()
向2號出口行,有指示牌教去Lotte Mall,真係轉個彎就到.
入面都幾大,幾舒服,鋪哂地墊,都算係全韓國最靚既mall囉,格局有少少少少似香港. 有uniqlo, H&M, ZARA, 10x10, errrr,,唔記得咁多添~
![]()
![]()
![]()
![]()
![]()
呢兩隻![]()
![]()
整得又靚~
![]()
![]()
![]()
見到有玩具反斗城,梗係入去貢下啦~
![]()
![]()
仲要係睇我最鐘意既LEGO~ 我對LEGO真係情有獨鐘,自從老媽子無經我地同意,將成盒LEGO當係自己既送左俾人之後,情天霹靂左好耐,之後仲患左LEGO痴戀症,而家見親LEGO都![]()
雙眼發光...
仲有小學時養左幾日既狗,有日放左學返屋企隻狗就從此消失,你同老豆又記唔記得?? 都唔明點解你地咁鐘意靜雞雞送野俾人...![]()
![]()
![]()
![]()
![]()
又去10X10貢下先...
其實今次既最主要目的係買HEATTECH, 平時19,900一件,今日開分店所以24,900兩件...
![]()
然後就去LOTTE MART 買今日既晚飯 - 麵包...韓國無咩包好食,好多都係炸,唔係就PIZZA餡咁, 所以我都係獨孤一味食呢種法國麵包.
![]()
見時間尚早,轉戰EMART,唉~今日一心唸住買幾件衫就算,無唸過買其他野,一個人'一秋二能'點拎呢? 但係見到咁大蔬蕉, 2,500won咋喎,真係買又笨seven,唔買又笨seven, 終於, 抵唔住,咁平,去邊度搵?! 捽之,買埋袋蘋果,牛肉托返屋企...我唸成程地鐵得我一個咁戇居買一大蔬蕉坐成個鐘車返屋企lu~
![]()
============================================
感謝 ahQ 提供以上資料
ahQ的網誌: http://ahqinkorea.blogspot.kr/
============================================
