0

北歐之旅(1): 羅凡尼米、聖誕老人村~

helenhlblog 於 2013-02-28 00:00:00 發表  |  累積瀏覽 530

分類:長線旅遊 特色景點 博物館 ;地區:歐洲
期待了幾個月的旅行終於開始~~ 晚上到達機場預備乘直航機~~ 要坐14個鐘, 真係第一次, 而且一如既往, 次次坐夜機都好難瞓著, 不過瞓唔到都仲有好處, 就係看到機外的滿天星空~~ 不過影唔到 (亦應該冇可能影到), 唯有記在眼上, 記在心裡~~



看到這片風景, 就知快到了~~ 遠處太陽應該慢慢升緊, 出現了一條彩虹線~~ 下面見到片片白色, 不知是陸地還是結冰的湖泊?~~






又見到一堆堆屋同樹~~~ 高空看真的好細小~~



可以落機了~~ 天氣比想像中好, 之前在HK不停看天氣預報, 都是說多雲哩~~




想不到會在機場見到第一個"聖誕老人"~ 竟然在樓梯底~~



機場出面盡是一片白色~~~ 當然也開始凍起來~~ 快快上旅遊巴先~~ (不過唔係相中呢架~ 我們有31人, 是坐大巴的~)



第一次見到所有事物都有一層厚厚的雪包住~~ 未來幾日都在這個白色世界了~~



下車時, 太陽來了~~ 快快拍低先~~~



我們第一個景點就是羅凡尼米(Rovaniemi)的極地中心及省立博物館 (Arktikum)~~ 內裡有很多關於拉普蘭地區 (Lapland)的資訊及展品, 有點似科學館+博物館, 不過內容全是英文, 真的要花時間看~ 是一個可以了解這裡風土人情的好地方~~ 不過最吸引的一定是以下這個:



就是模擬北極光展覽室, 真係可以入去瞓喺地下睇模擬北極光的動畫~~ 雖然不是真的, 不過個個都好有興趣~~ 另外又睇了一套記錄片, 當中也有不少極光照片~~~



中心的這個玻璃屋頂都是很吸引~~ 拍了不少照片~~





天很藍哩~~ 感覺很難得~~

之後就去到聖誕老人村 (Santa Claus Village & Post Office)~ 未參觀之前先到村內餐廳吃午餐~~



這就是了~



入面很有聖誕氣氛, 雖然已是新年, 不過都係覺得很溫暖~~~



第一餐的主菜就是三文魚~~~ 未來的旅程不時都有得食, 例如很多日的自助早餐、部份午餐同晚餐都有, 11日來吃了不少~~

之後就是參觀聖誕老人村~~



上圖見到有幾支柱托住的, 就是代表踏入北極圈的"鐵線"~~ 原來不知不覺就到了北極圈的邊緣~~



讓大家近看一下~~



還有這個出名的路牌, 上面有不同地方同聖誕老人村的距離 (不過搵唔到hk呀...)~~~



聖誕老人的工作室, 這裡就可以找他拍照了~~



點解只係影咗入口呢?~ 因為入咗去"工作室"是不可以自行拍照, 只可以同聖誕老人影相, 之前睇資料都係euro19一張相, 點知一去到就已經話係euro25一張, euro49就有2張相(soft copy)加一隻紀念USB手指...諗落得2個人同佢影相真係幾貴, 那些相又只係坐定定影咁, 而且入到去已經有條人龍, 唔知要排幾耐, 其他景點都未睇呀...所以考慮了一輪, 都係將聖誕老人記在心裡啦~~ 他的樣子真的好慈祥的~~~



唔同聖誕老人影相, 喺工作室入面行了一陣, 除了聖誕老人影相區, 仲有2間店舖, 其中一間是iittala outlet, 這個是芬蘭有名的玻璃及陶瓷工藝品牌, 雖然它的製品不是全芬蘭製造, 但是芬蘭設計, 而且outlet會有些減價物品, 於是都買了一些~~ 其實村內仲有一間marimekko的店舖, 不過唔夠時間行去睇呀~~~ 如果你們有機會去一定要看看~~ 行完就去了郵局寄信啦~~ 是這裡另一個必做活動~~



入面有個很大的玻璃櫃, 收埋了來自世界各地的信件~~~



當然有HK的信件~~~ 好大疊~~~



又是很有聖誕氣氛的佈置~~~



這裡就是寫信嘅地方~~ 在這裡買了、寫了明信片之後, 就可以去寄啦~~~



這裡有2個郵筒, 放入黃色的就是即日寄出, 放入紅色的就是每年聖誕節才寄出~~ 我們2個都有擺明信片~~~ 放了入黃色郵筒的明信片, 去完旅行就收到了~ 希望今年聖誕節可以收到另一張~~~



之後去了附近的禮品店, 有好多間 (上面就是入面假的北極圈線~~~)~~~ 正如之前的blog友提到, 再加上團友的親身經驗, 這裡買手信真係要格價, 同一件物品在不同店有不同價錢, 不過如果見到心頭好就真係要買咗先, 因為之後真係搵唔番或者會貴啲架~~~



又出去影相先~~ 因為出面都幾凍, 影完一陣就要入番室內~~ 見到漂亮的reindeer ^^~



臨走之前, 差不多快天黑 (其實只是下午4點), 開始有少少著燈, 不過等唔到天黑就要返入市中心了~~~



再見囉~~



到了羅凡尼米市中心~~ 酒店和晚飯都在這裡~~~



中心的塔顯示是-12度~~ 真係幾凍架~~



附近有幾個商場, 有很多不同類型的貨品, 有些團友都有買北歐的保暖用品~~~ 上圖呢間就是百貨公司, 什麼都有~~ 另外超級市場都是買手信的好地方, 真係平少少, 不過最平的地方是愛沙尼亞 (遲些再詳細講~~)



當然也要參觀這間全球最北的麥記~~ 其實同普通的外國m記沒有分別, 不過位置就最特別~~



海報都係咁講架~~



這些就是今日的收獲~~ 暖墊就是看到blog友推介買的~~ 真係平d~ 另外就是買了aarikka的產品~~ 這個芬蘭品牌的木製品是芬蘭製作, 是不錯的記念品, 但真係唔平架~~






還有這幾個北歐杯~~ 其實當時仲見到其他設計, 例如姆明 (moomin), 如果係fans一定好鍾意架~~~ 而且在outlet買係可以平少少, 例如outlet有款姆明杯剛剛做特價, euro15, 之後在赫爾辛基見到同款, 已經要成euro19-21, 真係差幾遠~~

Day 1就講住咁多先~~~


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:歐洲
  • 攻略時間:N/A
    是次消費:N/A
0人比"掂"
  • 特搜總編E 於2015-02-25 14:56:03 留言
    恭喜!經過「SeeWide評審團」一致通過,你的發佈已被選為推薦攻略!你將獲得200經驗值作獎勵!
  • 舉報 回覆
  • No.1

最多能輸入300字

見習探險員
簡介:

累積瀏覽 337474

全部攻略 333

全部回應 39