旅行前預備 ^^

其實最初都沒有想過去北歐, 不過今年陸續留意不同報紙/雜誌介紹, 都說2012同2013係極光活躍的年份, 較容易可以看到極光~~ 而且上年10月有次行過旅行社, 見到原來新年的北歐團都接受報名...心思思想了好久, 知道價錢真係好貴好貴, 不過覺得冰天雪地的地方可能趁後生去可能捱得好d, 加上過了這次極光活躍期, 不知道下一次又睇唔睇到, 所以最後考慮了一輪都報咗~~ 都未試過4個月前就要報名, 而且報嘅時候都係得番4個位~~ 而且很快就冇咗一筆錢啦......依家去完旅行當然要再好好儲錢...

都係講番旅行 ^^~  報完團當然要好好預備, 雖然不是自由行, 已經減少了自己訂行程、酒店、交通等複雜步驟, 不過都係有以下的事項要準備~~

1. 去寒冷地方當然要買禦寒衣物, 褸就選了gore-tex風褸加羽絨 (自己選了laxxma~), 雪褲、手套、頸巾、冷帽、冷襪、雪鞋等等都要買, 已經要洗一大筆~

想慳錢, 雪褲去了花園街的出口店買, 遇到好貨真係$200有找~~ 冷襪同雪褲就趁戶x城減價時買, 頸巾就是買花園街的neck warmer, $60有2條, 可以做埋頭巾/冷帽都得; 雪鞋就買了行山鞋代替, 最緊要選一些鞋面是完全防水 (沒有布的部分, 最好全對都是膠/假皮/皮製的~), 而且中/高筒 (防止入雪), 加埋鞋底防滑就ok~~ 遇到減價$500-600都有; 另外就是留意開倉, 之前去觀塘都見到唔少行山鞋, 另外laxxma、pro-cam-fxx、north fxxx等不定時有開倉, 如果剛好等到有先買就可以平好多~~

至於保暖內衣, 由於北歐大部份室內地方都有暖氣, 如果唔係要留在室外好耐, 發現街邊雜牌子的保暖內衣 (例如easy wxxm, sakxxa等) 都足夠, 因為有其他保暖衣物, 所以又慳番唔買新嘅~~

2. 如果真係見到極光, 當然好想影低, 上網/找書搵資料, 都係建議要用單鏡反光機~ 不過考慮了一輪, 覺得價錢、重量等方面比較下, 無鏡反光相機功能差不多, 輕d又平d, 仲有其他功能 (例如自拍、影全景), 於是就入手了一部Sony Nex-5~ 而最後證明真係要買, 因為其他團友用普通相機真係影唔到 (不過用單鏡反光機的團友影得再靚啲...) ~ 不過除咗要用好d嘅相機, 仲有其他要點, 遲些再同大家分享~~ (或者大家上網找都有資料~)

3. 始終第一次去北歐, 都係想多些了解要去的地方, 除了上網找資料, 找旅遊書都係一個好方法~~ 自己在圖書館找了2本不錯的:

北歐 (作者: 地球步方編集室): 這本的資料很仔細, 例如衣、食、住、行都教哂, 又教埋點樣影極光, 不過圖片可能就細D~~

北歐: 丹麥．挪威．瑞典．芬蘭．冰島 (作者汪雨菁): 這本的圖片豐富多D, 不過資料可能少過另一本~~


4. 另外看看其他blog友的網站都是搜集資料/了解行程看好方法~~ (之前本來放了不少blog友的網站, 因為大家都要由yahoo blog搬遷至其他地方, 所以遲些再update~)



打了一輪又夠鐘要做其他事...下一次開始分享行程 ^^~