韓國遊: 食物+手信~

以前已經吃過一次人蔘雞湯, 是當時的名店"巨龜莊"的出品, 記憶中很大份, 食唔哂但雞同湯都非常好味~~~ 這次的味道都不錯, 還加了一隻小鮑魚~ 之後又曾經吃過鮑魚粥作早餐, 不過所謂的鮑魚肉切到好細~  海鮮鍋都是曾經吃過, 這個都OK, 不過不失~ 最特別都是上圖像牛肉的"炒牛肉"...其實是馬肉來的, 第一次食, 不過覺得好像同牛肉沒有什麼大分別~~

石頭鍋飯、韓式燒烤都是和香港的差不多, 不過都算好味的~ 始終跟團的要求不能太高~ 行過仁寺洞時有很多特式小食, 例如好長好長像士的嘅小食 (唔知係咪薯棒?)、土耳其雪糕等, 自己就買了燒香腸 (幾大條, 味道不錯~), 還有上圖的燒粟米餅~ 買粟米餅幾乎排了半個小時, 不知為何很多人排隊, 外面好熱, 鹹味, 入面原來有甜的糖漿, 味道都幾特別, 1000won就有一塊~

至於手信又買了什麼呢?~

多得blog友大肥人的推介, 加上自己再於超級市場揀來揀去, 就買了不少~~~ 上圖有個雞泡魚乾, 鹹鹹的不錯~ 那盒蘋果餅、泡菜條同Dr. You的蛋糕同果條都食咗, 都覺得幾好味~~ Dr. You的蛋糕不太甜但真係有朱古力味, 唔鍾意太甜一定覺得ok~~

買了blog友大肥人同好多人推介的Market O Brownie, 愛甜的我覺得真係不錯, 不過唔鍾意食甜的朋友就覺得太甜~ 當時在Olive Young有優惠裝, 5000多won有8+2(10)件, 超級市場都見唔到, 所以買了~ 另外有紫菜同紫菜朱古力 (朱古力是又甜又鹹, 幾特別~~), 還有買了很多柑同仙人掌味的朱古力派同事 (濟洲特產~), 五味子蜜(上圖左下角)就留結自己沖來飲, 味道酸酸甜甜, 雪凍飲可以消暑~~~ 上圖的衫同背包都是10000won一件, 覺得幾抵~~~ 熊仔就是teddy bear museum的產物, 導遊聲稱是他買來送給我們, 每人都有一隻~~ 至於隻小貓是仁寺洞的handmade DIY, 都係3000won一隻~~ 當時仲見到好多靚靚DIY布袋, 不過屋企太多袋, 唔係真係好想買~~~

仲有化妝品 (當然自己唔係買咗好多~), 上圖有些mask是在Watson's買的~ 那盒是innisfree的優惠盒, 有它最新的綠茶cream加上serum, 再送一堆mask同sample, 大約43000won~ 另外買了鹹味牙膏, 因為之前以為香港冇得再買 (依家發現吉之島有LG出品的鹹味牙膏了~)~~ 上圖其實還有O'Sulloc的茶包, sales送了2塊綠荼mask, 都未用呀, 有排先用得哂~~

韓國之旅算分享得差不多, 都是一個開心而幸運的旅程~~ 最難忘就是看到漂亮的櫻花~~ 希望下次有機會去釜山看櫻花就好了~~