本來2013年頭已經去了一個大旅行, 應該要儲錢休息......不過這年一路過, 想去旅行的心又再不停跳動~~ 結果3個多月前就訂了去新加坡自由行~~ 但如果下次再去應該要再早D訂位, 因為好多較理想或平價的機位/酒店已經爆滿, 而且比預算中都貴了一點......可能以後去自由行都要最少半年前訂位先得~~
一早就要起身去機場~~ 已經好多人排隊寄艙......寄好行李行一會已經要過關上飛機~~
好好的天氣~~ 當時希望去到新加坡都一切順利~~
機場的聖誕裝飾都算唔錯~~
最吸引就是這棵閃閃水晶聖誕樹~~~
9時就要上機~~~ 一路上見到藍天白雲, 令人心情都超好~~ 不過好早起身, 都係要瞓一陣~~
吃早餐囉~~ 各樣食物味道都不錯~~ 還有...
小小的聖誕"禮物"~~~ 就是...
味道淡淡的朱古力薑餅~~ 令到自己想起前年honeymoon旅行的薑餅禮物~~ 話咁快已經係第2個Xmas~~~
見到陸地啦~~
如積木小屋的房屋~~~
到啦~~~
去到樟宜機場, 本來想參觀它有名的花園, 還有新的butterfly garden, 不過原來這些花園都在禁區之內, 過完關之後就去唔番......唯有繼續行程先啦~~ 去找MRT (地鐵) 的同時參觀一下樟宜機場先~~
我們坐MRT之前要買Singapore Tourist Pass (STP), 這張和普遍用的EZ-link有很多不同之處, 例如最多只可以買3日, 1日$10SD, 2日$16SD, 3日$20SD, 每張卡仲要俾$10SD按金, 我們買3日就即係$30SD, 它的"好處"就是按金可以退回, EZ-link就有$5不可退回按金, 而且每張EZ-link最少要有$7SD儲值額, 即係有$12SD攞唔番......而且STP可以自由乘坐普通的MRT及巴士, 不過入Sentosa就唔得, 要另俾錢, 亦唔可以搭特別巴士或特別車種 (例如night express)...
總之就係要買STP, 最初以為在terminal 3可以買, 於是坐skytrain (即係機場的monorail) 過了去~
坐skytrain時就可以欣賞機場周圍的景色~~
又有聖誕裝飾了~~
有個好大的海棉寶寶吹氣場~~ 啱哂小朋友~~
T3比T1及T2都新式~~~
望到T3禁區入面有個好大的"比薩斜塔"~~
原來仲有一個大菠蘿~~ 周圍就是北歐小木屋同北極光的介紹~~ 不過真的我們都看過了, 還是快些去買票~~
點知去到T3的MRT站, 才知道STP要去T2才有得買, 而且T2都可以坐MRT的......唯有又坐skytrain去T2......
T2就有俄羅斯皇宮~~~ 都整得幾靚~~
仲有俄羅斯公仔~~
去到T2, 原來買STP的ticket office在電梯後面, 而且仲有人排隊......因為得一個職員, 加上前面的人要買好幾張票, 結果差不多等了半小時先買到......而且這張STP在市區唔係個個站都有得買, 只有一些主要站, 例如Raffles Place、Chinatown才有, 所以要買這種STP真係要考慮清楚, 不過我們想省錢就沒有辦法了~
買到STP, 當然立即坐MRT~ 去到Chinatown再行過去酒店原來成20分鐘, 仲要1人1喼, 好彩係細喼而且冇咩拎, 唔係仲辛苦, 結果要成1.5小時才由機場到酒店......之後嗰幾日都要坐MRT加埋搭巴士返酒店就方便些~
我們訂到的酒店: 濠景大酒店 (Riverview Hotel Singapore)~~ 根據解說, 是Clarke Quay第一間酒店哩...會唔會真係好舊呢......
房間都算整齊乾淨, 但面積不算好大......價錢不包早餐, 又沒有免費上網 (大堂都冇任何免費上網......), 唔係因為遲book, 可能都未必考慮這間......而且浴室花灑水壓好細, 可能為了省水, 不過真係有些不習慣...另外第一晚關不了電視, 係第一次遇到這種奇怪情況, 不過服務就ok, 叫人上來整, 好快都維修好...
房間外面的景觀~ 周圍可能是高尚住宅區?...
放好行李, 要出發去第一個景點啦~~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
