有次在嘉道理農場的FB, 突然見到一個"在地農學堂"的介紹~~ 有一個叫"蘆薈美麗密碼"的講座~~ 介紹就是: "教你利用蘆薈外敷內服，成為真正的草本美人"~~
唔...成為美人不是必須, 不過可以學習蘆薈的用途都唔錯~~ 另外仲見到"中環農墟"的介紹~~ 其實2個活動近在咫尺, 當然係2個都去啦~~
去到中環, 未到活動時間, 又有幾張禮券, 於是去了附近的Starbucks消暑~~ 叫了一杯3重焦糖星冰樂, 老公就叫了一杯綠茶星冰樂~~ 我那杯係好甜, 不過有焦糖味, 加埋忌廉味和焦糖粒粒, 嗜甜的我很喜歡, 不過偶爾一杯, 糖份已經爆燈~~ 而老公那杯比較淡味, 不過有淡淡的茶味, 適合不愛甜的他~~
之後就行去中環7號碼頭~~
果然真係有個農墟~~ 仲有不少人在選購有機蔬菜~~
影低個時間表先~~ 逢星期日, 11時至下午5時~~ 有興趣或剛好經過的朋友可以參觀一下呀~~
除了有機蔬菜之外, 還有一些攤位, 例如賣2手衫、介紹農墟及嘉道理農場, 還有這間賣布袋的~~ 有好多款式, 望落幾靚, 唔係屋企已經好多袋, 真係想買架~~ 而且一個中等size都係40、50蚊, 價錢ok~~
趁講座未開始, 影吓枱面上的物品~~ 唔知跟住有咩整呢?~~
上堂的地方其實是碼頭位置, 即係農墟隔離~~ 所以看到碼頭周圍的景色~~
嘉道理農場的職員開始講解~~ 不過原來今日的內容不算好多, 於是職員同義工就帶我們先行了農墟一圈, 介紹不同農場的出品~~ 見到白色的矮瓜, 仲有秋葵, 當然還有好多蔬菜~~ 不過奶奶一早在家煮定好餸, 所以冇買......但希望大家去到, 都可以大力支持各個農戶呀~~
職員仲請其中一位檔主"借出"有機粟米一條讓大家生食~~ 甜味淡淡, 味道唔錯, 第一次生食粟米咋~~
行完一圈之後, 大家就坐好乖乖聽講解~~ 其實大家都知道市面上的護膚品、化妝品都有很多人工成份, 或者依賴石油/石油製品才可以製作出來, 用天然材料自製護膚品就可以更環保及健康~~ 於是職員就介紹了幾種護膚品的製法, 仲話可以隨便分享, 當然同大家分享一下啦~~
上圖的rosemary是"香體粉"其中一種材料~~ 這種粉的材料有:
鷹粟粉1茶匙
小梳打粉半茶匙
果味或中式茶葉
香草葉 (例如薄荷葉、rosemary)
比例：鷹粟粉1份、小梳打粉半份
只要將所有材料混合便可，之後可用粉餅棉或棉花球塗在腋下, 就可以消除汗味~~
小梳打粉是良好吸味劑, 而加入粟粉可以令混合物較滑身, 另外, 加入茶葉或香草葉令香體粉有味道~~
小梳打粉去漬好有用~~ 例如可以清潔鼻上黑頭: 用水濕鼻頭、舖上小梳打粉15分鐘、按摩後用水洗去~~又可以去牙漬: 刷牙之後塗上小梳打粉，之後再清潔牙齒，可去黃色牙漬~~
之後介紹了"腳部磨砂膏"~~ 材料如下:
咖啡渣 (蒸餾咖啡之後的剩餘物) 1湯匙
鹽 (百分之一杯，或少許)
橄欖油(百分之一杯，或少許)
將所有材料混合便可~~ 用的時候塗在腳部，之後用水沖洗就ok~~ 咖啡渣是抗氧化物, 不過如果沒有, 可以做另一款磨砂膏：糖 + 水/蛋白 混合便可, 之後塗於面或手肘位置15分鐘, 用水沖洗, 皮膚就會滑滑~~
之後就整"蘆薈清潔面膜"~~ 材料有:
蘆薈 (1吋份量，或1/4杯)
糖1湯匙
牛奶半湯匙
做法: 蘆薈切好份量，起皮、切走刺，將肉拿出來，皮上剩下的蘆薈可即時用來舖上皮膚使用架~~ 之後加入糖及牛奶，用人手舂碎，或用攬拌機打碎蘆薈混合物, 完成後，放上面部10分鐘，之後用水沖洗便可~~
職員提醒, 這次用的脆葉蘆薈可食用，但其他品種的蘆薈，除非查清楚是可以食用，否則只可外用~~ 而蘆薈有天然防曬、消炎作用, 是很有用的護膚品~~
之後再用蘆薈整"蘆薈膏"~~
材料有蘆薈1份 (1吋或1/4杯), 以及椰子油1湯匙~~~ 混合材料，之後用人手舂碎，或用攬拌機混合, 就可以直接塗在皮膚使用~~ 可以保濕或消炎的~~
仲有這個: "西柚蘆薈磨砂膏"~~
材料
有:
蘆薈膏半湯匙、糖半杯、西柚半湯匙/一片、橄欖油或椰子油2湯匙
又係將所有材料混合, 之後直接塗在皮膚使用，洗乾淨便可~~
這次有機會可以落手整~~ 將西柚汁加入混合物之中~~
咁就完成啦~~~
講座上還整了一個天然護髮水, 不過冇時間影低, 回家再影~~
材料就係1公升水同時500 ml 醋 (普通白醋ok)~~ 可以加入香草少許，或加入4-5滴香薰油 (例如天然檸檬精油)~~ 而水與醋比例為2:1 (水2份、醋1份)
只要將水煲滾之後熄火等一會, 加入醋及香草/精油，之後焗住15分鐘，待涼才使用~~
可以作為平時護髮素使用，舖上頭髮一會，用水沖洗就ok~~ 香草/精油是用來增加味道, 而酸性水有助調和洗髮水的鹼性，可以護髮~~
玩完之後, 每人仲有一條蘆薈可以拎走~~ 不過其實係計算在每人的參加費用之外, 每人$50~~ 雖然要收費, 但一個對環保有幫助, 又可以"又食又拎"的活動很不錯呀~~
參加活動之後, 坐船過尖沙咀~~ 見到了彩色的天星小輪~~
海港城門口仲有2個巨型藝術品, 一男一女~~ 近來已經轉為球星了~~
如果大家有興趣了解"中環農墟"、"在地農學堂"的活動, 可以看看這些網站:
http://www.lowcarbonliving.hk/chi/LowCarbonCommunity-FarmSchool.aspx
http://www.lowcarbonliving.hk/chi/LowCarbonCommunity-centralfarmersmarket.aspx
http://www.kfbg.org/kfb/eventsdetail.xml?fid=170&sid=247&id=2076
http://www.lowcarbonliving.hk/chi/index.aspx
https://www.facebook.com/KadoorieFarmAndBotanicGarden
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
