之前都好想在家種植物, 不過未諗到想種咩...之後有朋友來探我哋時送了一些DIY盆栽套裝, 不過試了2次都唔成功......又諗過種咩之際, 屋苑第一次舉行種植計劃, 諗住都係報吓名就算, 點知又抽中咗, 即刻諗快啲...
後來喺網上找到資料, 有一間叫"陳平記菜種行", 教人種小棠菜:
http://chanseed.silver.yp.com.hk/index_topic.php?did=32008&didpath=/31625/32008&charset=big5
未種過菜的我們, 就決定試一試~~
因為屋苑除了可以借噴水壺同2個鏟, 就係得一個長花盆+泥, 所以為咗跟住網頁嘅方法, 我們就做多DD~
我們在$12店買了一塊用嚟放在花盆底疏水的有洞膠板, 之後掘起啲泥, 放塊膠板入去, 再用泥蓋回原位, 順便又可以翻鬆泥土~
放了種子之後, 老公就用在$12店買的鐵線來整支架~ 原本這些鐵線是用來托住一些會長高的植物或者花 (例如蘭花)~ 後來見到有其他人用衣架來整, 衣架拆開都係鐵線, 其實都OK架~~
整好個支架, 就可以舖「防寒紗」, 功用就係防止雀仔同昆蟲來食菜苗~ 其實都係參考"陳平記菜種行"教的方法~ 本來我們想在菜種行買埋防寒紗, 不過菜種行只剩下好大卷, 用嚟整成塊田都得......當時老闆教路, 如果有舊的蚊帳, 可以剪開嚟用, 不過我們冇, 幸好$12店原來係有防寒紗賣, $25一卷已經好夠用~~之後老公用夾整好, 就好似一個小溫室~~
種了一個星期, 好開心有菜苗長出~~ 不過我們落得太多種子, 它們黏在一起, 可能會影響收成...我們嘗試疏苗, 希望會有改善~~
施了一次肥之後, 有些菜苗好些長得較好, 有些就比較細, 不過仲未似平時買的小棠菜~~ 其實都唔知我哋種得啱唔啱......唔知係咪真係可以有收成呢? 遲些再告訴大家~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
