晚飯@和民、甜品@Starbucks~

好耐冇食過和民啦~~ V-City開了一段時間, 剛巧之前在報紙上有coupon, 食滿$150減$30, 就去食一次啦~~

一去到, 可以即入, 唔駛等位, 又可以坐卡位, 之後就已經排長龍~~


點了一個日式魷魚筒飯~~ 味道不算差, 但醬汁味道較淡, 魷魚本身冇咩味, 而且入面的飯都係冇咩味......加點沙律醬好少少, 不過就唔覺得自己食緊魷魚...老公話上次在"薩莉亞"食的燒魷魚仲好食...


另外, 老公在魷魚上找到一條頭髮呀......衛生似乎差點喎...


之後來了日式薄餅, 味道比魷魚好食, 脆脆的餅底, 上面的材料都夠多, 可惜有一邊的餅底焦了, 影響了部份味道, 但可算合格啦~~


叫了一個雞肉串燒拼盤, 有雞肉、雞翼、雞頸、免治雞肉, 份量不多~ 選了鹽燒, 可是食落冇咩鹽味, 質素普通...


最後加點的芝士焗年糕, 黏黏的幾有趣, 芝士幾有香味, 不過芝士分佈不平均, 有部份年糕冇味, 有部份就好d, 食到有鹹鹹的芝士味~~ 僅僅合格啦~~

之前見到呢間分店咁多人, 仲以為質素唔錯, 食完就覺得有少少失望, 不過有優惠劵, 減了30元, 埋單2百多元, 可以接受啦...

這天Starbucks有優惠, 12時至8時點一杯意大利芝士餅星冰樂, 送多一杯~ 食完飯即刻行去買~~ 不少人都是買這個, 咖啡師做到冇停手, 排隊再等成品都用了20分鐘~


半價就有一杯tiramisu甜品, 為這晚的晚餐打上一個好的句號~~ 因為收銀員建議少甜, 於是比之前飲過的朱古力味, 甜味淡一點, 不過感覺都似飲緊冰咖啡~~ 加埋碎糖同忌廉, 是一份美味的甜品~~ 飲哂透心涼, 好凍呀, 慢慢行返屋企, 唔搭車啦~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================