開心燒烤@川龍開心坊

之前做節, 一班親友好耐未試過BBQ, 於是我的姑姐就推介了位於荃灣川龍的"川龍開心坊農莊樂園", 大家就拍板去一次啦~~

如果要去川龍, 方法之一就是搭小巴, 去荃灣兆和街坐80號綠色小巴, 總站落車便可~~ 另一個方法就是搭51號巴士, 在川龍站下車~ 其實平時好多人都用呢個方法上去大帽山, 或者去川龍飲早茶/行山, 不過我們此行就是BBQ, 希望下次有機會去行山啦~~~

由村口沿路入村, 行走大約10分鐘就到~~

中途可以遠望大帽山~~~ 下次希望可以行上去, 上一次去已經又係十多年前的事啦......





未行到之前, 又見到一小群羊咩咩, 好可愛~~~


再行多陣終於到了~~~


好多小朋友在空地玩, 雖然不是真的郊野公園, 但也很有郊遊的樂趣~~~


去到當然"拿拿淋"開餐, 好肚餓呀~~~ 上一次BBQ已經係N個月前的事啦~~ 這裡是用"任食"形式, 俾了錢就可以食幾耐、坐幾耐都得, 直至2包炭燒哂, 又可以買過再坐喺度食~~ 下午去到時, 成個場都係人, 一家大細、年青人都有~


不停燒燒燒, 食咗幾輪, 雖然樣樣都好好味, 不過開始飽飽哋, 係時候周圍行行~~ 姑姐就叫我們去看看這裡的農地~~ 這裡除了經營燒烤場之外, 仲會租農地俾有興趣的朋友種植~~ 我的姑姐和姑丈已經種了一段時間~~~


好多人都有種佛手瓜~~~ 原來好粗生, 擺個未熟未爛的瓜入泥土, 好好淋水栽種, 假以時日就可以種成一棵瓜樹, 不時有收成啦~~~


不知不覺已經夕陽西下~~~


原來這裡還有貓貓, 好得意 ^^~~ 一開始有啲怕人, 不過摸了幾下之後就好多了~~


老公不停逗牠們玩, 佢哋好似好enjoy添~~~ 不過貓都係善變的, 玩了一陣又走了~~


再返去燒多陣, 點知這次就來了一頭牛~~~ 聽姑姐同老闆講, 牠是流浪牛, 走來這裡是希望食嘢...我們見牠好肚餓, 於是就去了拿了麵包來餵牠~ 不過雖然係"任食BBQ", 不過牛仔冇俾錢, 我們都唔可以攞太多餵佢食, 後來見到佢冇嘢食繼續喺度等, 都有點心酸, 不過冇辦法......


走去偷影個食物櫃~~ 除了各式肉丸、香腸、芝士腸、麵包、番薯、金菇、粟米等等, 仲有三文魚頭、秋刀魚、菠蘿等特別食物, 而雞翼、豬扒、牛扒等都有2款味道, 咖哩味自覺不錯~~


燒到夜晚, 下午班人幾乎走哂, 不過又換了一批人, 但人數少多了~~ 可能晚上天氣凍, 貓貓竟然躲在燒烤爐下, 好搞笑, 不過冇影相~~


飽到上心口啦~~ 係時候要走啦~~ 臨行前又影吓相先~~


閃閃樹~~~ 幾有趣~~


天氣冷, 所以出面冇哂人~~~ 今次都幾好玩, 希望下次再來過啦~~~

大家有興趣就可以看看它的網頁:

http://www.yl.hk/hfp/index.htm

http://www.openrice.com/restaurant/sr2.htm?&shopid=93709

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================