炸雞拉麵@岡一拉麵

屯門有不少日式店舖, 自己也吃過不少, 壽司店例如元氣、板長、一壽司、爭鮮、明將等等都各有特色, 烏冬可以揀自家烏冬或甘味讚岐手打烏冬都不錯, 拉麵店又有幾間, 武骨、黑福多試過都味道合格, 不過如果想平平哋食吓, 附近都仲有不少標榜日式風味的小食店或餐廳~ 其中一間個人覺得唔錯的, 就是這間"岡一"拉麵~~


這間小店裝潢簡單, 只有4張枱, 多人的時候一定要搭枱坐~ 不過有得免費睇電視同看雜誌~


其實來過起碼10次以上, 亦有幫襯外賣~~ 除了就近之外, 附近咁多間標榜"日式"的店舖之中, 個人覺得這間水準最平均, 拉麵湯底有味得來不太鹹, 麵亦不會太"淋", 份量不多不少, 每次食完都剛剛好~

而店內提供的雖然只是普通綠茶, 不過味道不苦也不淡, 送飯送麵都OK~


近來每次必點的, 就是炸雞 (配烏冬或飯都得~)~~ 這裡的炸雞皮脆肉嫩, 脆脆哋又不失肉味, 30多元就有份質素合格的拉麵, 便宜過市區或區內好多店舖~~ 自己曾經點過的各種配料中, 吉烈豬扒、三文魚味道都OK, 但其他如肥牛、鴨肉、餃子等就普通, 鰻魚賣成六、七十元不夠抵食......所以近期都係鍾意炸雞~~ 近近哋可以食到近來大熱的炸雞 (雖然不是韓式), 而且價錢算平, 個人覺得不錯了~~

呢間食店係附近少數已經營業多年的日式店舖, 一直以小店形式經營, 只要它能保持水準 (或更進一步), 一定會繼續幫襯~~

http://www.openrice.com/restaurant/sr2.htm?shopid=43740®ion=0&s=3

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================