終於到了行程的最後一天及"戲肉": 參觀丹霞山~~ 它已是世界自然遺產之一, 現在開發了幾個景區, 導遊話仲有一些景區在開發中, 遲些可以再來看~~
![]( "dan 3.1")
旅遊車去到丹霞山地區, 過了酒店/食店/商店區, 來到了風景區的門口~
![]( "dan 3.2")
穿過入口之後, 導遊收到消息, 遊船河那邊較多人, 於是就決定先去行山, 去山腳坐纜車上山~~ 導遊話由於今日的天氣比昨日好, 所以好多團都趕住今日嚟, 驚聽日天氣唔好就嚟唔到, 所以景區好多人~ 而我們的團是最後一日, 無論點都要嚟, 所以好彩今日冇落雨, 就算陰天都好過落雨, 一陣間就知點解~~ 上山時影相的角度不太好, 下山時影得好啲, 一陣再分享~~
![]( "dan 3.3")
上到去山上的纜車站~~ 真係好多人~~
![]( "dan 3.4")
這張就是山上的地圖~~ 導遊見我們大部分人都係"年青力壯", 於是決定帶我們由纜車站行10分鐘去韶音台看主峰風景, 再行去長老峰的觀日亭, 然後繞一個圈回到纜車站, 全程一個多小時~~ 好彩當日冇落雨, 唔係就冇機會行山, 不過行一個多鐘都唔係小事~~
![]( "dan 3.5")
我們行的山路不算難行, 大部分都如上圖一般, 不過有一段都有少少驚險場面~~ 未講前看看風景先~~
![]( "dan 3.7")
第一個景點: 韶音亭~~ 亭台樓閣就普普通通, 不過企上去就可以看到...
![]( "dan 3.8")
人潮~~ 還有......
![]( "dan 3.9")
漂亮的山景~~ 雖然大陸其他地方絕對有更漂亮的山峰及景區 (例如同事/親戚都話黃山的風景超正~~), 不過在廣東省來說, 都是數一數二~~ 如果天氣更好風景一定更不錯, 不過當日冇下雨已經幾感恩~~ 丹霞山另一樣出名的就是看日出, 不過相信要下一次(自遊行)先有機會啦~~
![]( "dan 3.10")
遠處的風景都是濛濛的~~~
![]( "dan 3.11")
山峰的形態各異, 幾有趣的~~
![]( "dan 3.12")
之後就開始我們的行山路程, 行過去長老峰的觀日亭~~ 沿途有時就看到山峰, 有時就看到花草樹木, 偶爾就看到這樣的岩洞, 可以看到"丹霞地貌", 即是紅色的岩石~~ 都幾特別的~~
![]( "dan 3.14")
不過, 要行到上觀日亭, 先要行這條樓梯, 好斜架, 幾乎垂直咁滯......不過最後都行到~~
![]( "dan 3.17")
終於上到觀日亭, 算是登上了長老峰~~
![]( "dan 3.18")
唔知點解亭的附近有隻可憐貓, 不停在叫, 不知為什麼呢?...另外, 原來這個觀日亭的底部有個心心石雕, 仲有周圍有好多愛情鎖綁喺欄杆上面, 都幾得意, 不過趕路冇影添~~
![]( "dan 3.19")
行吓行吓, 又見到另一條垂直的"天梯", 以前冇纜車的時候, 就是要行這些天梯上山......我諗自己如果以前嚟一定上唔到山
![]( "(tongue)src=")
~~
=""
<="" div>![]( "dan 3.20")
除了見到山, 還有河道, 就是我們一會兒坐遊覽船的地方~~~
![]( "dan 3.21")
行完了一圈, 是時候下山食午飯, 等了一會就坐纜車下山~~ 其實車程都係5分鐘, 好快就到~~ 還望到山下的景致~~
![]( "dan 3.24")
纜車是4架車箱一排, 一架車箱可以載6人, 共有2排, 所以每次24人上山, 24人下山 (即係最多載48人), 所以多人時要排隊等架~~
![]( "dan 3.25")
食完飯, 我們就坐遊船看山及奇石~~ 導遊話小船容易影相, 好坐啲, 就將我們分成2批坐2架細船~~
![]( "dan 3.26")
這裡就是坐遊船的碼頭~~
![]( "dan 3.26")
坐船的好處就是近距離看到山石之餘又唔駛用腳行~~ 青山綠水, 挺不錯~~
![]( "dan 3.27")
遠看都幾宏偉, 好似一幅牆, 可能是天然, 又可能是開鑿的結果~~
![]( "dan 3.28")
船長話呢度以前係採石場, 難怪這裡的石頭形狀奇怪~
![]( "dan 3.29")
見到遠處的"帽子"嗎? 船長話它像濟公的帽子, 似不似當然是見仁見智, 不過奇石就是讓大家有不同的解說~~
![]( "dan 3.30")
坐完遊覽船, 還有一個景點~~ 我們行到去, 先看到像大象的奇石~~
![]( "dan 3.31")
其實"象鼻"才是重點, 就是陽元石, 近看的話, 大家覺得似"小弟弟"嗎?~~ 當地人相信它可以保佑他們可以生仔, 所以導遊話當地8成村民都係生仔, 不過應該係巧合~~ 導遊仲話呢度影相唔可以擺V字手勢, 因為似剪咗...大家明啦, 所以迷信的村民就話唔得, 不過唔知係講真定係講假呢~~
![]( "dan 3.33")
之後行了一段山路, 去到一個小湖~~ 這個倒影幾得意~~~
![]( "dan 3.35")
總括來說都是一個不錯的景區~~
![]( "dan 3.36")
附近仲有一條商店街, 不過我們又是興趣不大, 因為昨日去了"五馬寨", 買了一些菇菌餅作手信, 所以都不買太多了~~
![]( "dan 3.37")
終於看完了所有景點, 是時候回程了~~ 好多人都同我們一樣完成了3日的行程, 所以小小的車站上好多人哩~~ 我們坐高鐵回廣州, 再轉高鐵返深圳, 再坐地鐵回福田, 就完成了整個行程了~~
3天的小休算是不錯, 看了一些之前未去過的景點, 而且客家食物都ok, 最緊要有老公同屋企人一齊去~~ 當然希望下次又可以一齊去旅行~~
大陸其實有好多不錯的景點, 風景漂亮獨特, 或者有很特別的歷史價值. 如果設施配套可以做得更好, 例如景點有整潔的地方及洗手間, 搭高鐵/地鐵有好的排隊程序同控制人流, 相信返大陸一定可以比得上去世界其他地方~~
下次再分享另一個大陸小旅行~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
