上一篇提到我們參觀了天文公園, 又去了糧船灣的酒家吃海鮮午餐, 上船之後就是參觀行程的各個重點景區~~ 讓大家看看部份相片先~~
宏偉的六角柱岩~~~
破邊洲~~~
海蝕拱, 即係可以穿過的海蝕洞~~ 坐船又要天氣好, 才有機會看到的~~~
說回行程先~~ 從糧船灣出發, 只需約半小時就可以參觀萬宜水庫周圍的岩石景觀~~
海岸繼續見到不少的海蝕洞~~
還有大大少少的海島~~ 係導遊先記得它們的名字~~
相機影過不停, 因為行山是看不到這些風景, 要坐船才看到架~~
個個海島都有其獨特形態~~
突然有架水警輪駛過, 成了鏡頭的目標~~
萬宜水庫、糧船灣周邊, 都是這種六角柱岩~~ 地質公園官網有很詳細的
介紹, 因為它們係經過千百萬年的地殼活動才可以形成, 而且香港的岩柱最高的有100米, 比起很多國家的六角岩柱更高~~ 例如我們曾經去過的韓國濟洲, 都可以看到六角柱岩, 但濟洲的最高只有幾十米, 難怪香港的石柱看來更大、更宏偉~~
大家當然把握時間影低~~~
一節節、六角形, 形狀真係好特別~~
成個山頭都是這種岩柱, 近在香港就已經看到, 其實很幸運~~
岩石下都仲有海蝕洞架~~
個人覺得風景好正, 可惜剛巧天上有烏雲遮了太陽, 不然影出來一定更光更美~~
去到這個大家熟悉的景點~~ 萬宜水庫東壩~~ 上次來是夜晚觀星, 什麼岩石都看不到, 這次就看得清清楚楚了~~
這個人工石壩是水庫的特色之一~~ 一睇到工字形錨形石, 就會想起這裡~~
除了岩石, 繼續係岩石~~ 對於我這個"大鄉里", 周圍的景觀都很有趣, 很值得影低~~
幾難得的一張相, 終於影到藍天啦~~ 破邊洲, 故名思義, 經過很多年的風化, 海岸成了海島~~ 大自然真係好有力量~~
離開萬宜水庫不久, 導遊就話要帶我們去甕缸群島景區, 包括橫洲、火石洲、沙塘口山, 另外亦可遠望果洲群島, 再去埋吊鐘洲~~ 仲話我哋呢團係呢個月第一團去睇......即係上幾個星期D團都冇睇?...唔知係咪真呢...
本來就要看到罕有的風景, 可惜自己的老毛病又發作......就係暈船浪......其實之前幾次坐船去其他地質公園景點都冇試過, 於是就唔記得自己容易暈船, 今次因為外海風浪好大, 結果發作, 又冇帶藥添, 失策......即刻好唔舒服要坐低休息, 老公好擔心我有事, 想陪我, 不過我就叫佢影相俾我睇, 於是老公盡能力影了十幾張, 之後就連佢都累得要瞓覺......結果當大家都看風景, 我們卻在睡覺休息, 勉強看了幾眼, 真係好可惜呀......唯有下次再來, 一定要食定暈浪丸......如果大家容易暈船, 來到這個海域都要小心呀......
這些就是老公影到的相片~~ 這張有點"爆光"添...
因為暈船浪而要瞓覺, 聽唔到導遊的介紹, 都唔知係邊度, 都係之後再去地質公園官網看介紹, 才稍稍知道...大家有興趣都可以參考官網的
介紹~
根據官網的介紹, 火石洲高45米的杬挽角洞、橫洲高30米的橫洲角洞、沙塘口山高24米的沙塘口洞及吊鐘洲的吊鐘拱門，合稱"香港四大海蝕拱"~ 呢團其實4個海蝕拱都有參觀, 可惜就不能親眼看到, 而老公就影到其中2個~
按官網的圖片配對, 上圖的就是橫洲的橫洲角洞~~ 如果可以親眼觀看, 相信一定更壯觀~~
上面這幾張, 老公都唔記得自己影咗咩......不過按外形推算, 其中有一兩張影到的可能是果洲群島~~ 不過每一張相都有獨特之處嘅~~
這個海蝕洞就是沙塘口山的沙塘口洞~~
老公影唔到火石洲的杬挽角洞, 和吊鐘洲......看網上圖片都是形態特別的海蝕拱, 唯有借旅行社的圖片一用, 讓大定看看它是什麼樣子.......
估唔到風浪大了少少, 自己已經暈船浪, 影響了今次行程添......唯有當係藉口, 下次有機會再來參觀啦~~~
幸好仲有最後一個景點可以親身參觀, 就是行程的終站: 橋咀洲~~
大家有興趣都可以看看其他人的介紹~~
http://www.oasistrek.com/bluff_island.php
http://skpoon.blogspot.hk/2013/07/2013-07-13_13.html
http://www.hkhikers.com/Pa%20Fu%20Shan.htm
http://catthui.blogspot.hk/2012/07/27.html
http://happypama.mingpao.com/cfm/relation3.cfm?File=20090703/plab/wta3.txt
http://meiyeehk.wordpress.com/2010/05/16/%E6%9A%A2%E9%81%8A%E8%A5%BF%E8%B2%A2%E7%94%95%E7%BC%B8%E6%B5%B7%E3%80%81%E7%A0%B4%E9%82%8A%E6%B4%B2%E8%B3%9E%E5%85%AD%E8%A7%92%E6%9F%B1%E7%9F%B3/
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
