未繼續講之前, 讓大家看看老公影的星軌相~~~ 這次影得好密, 證明當晚的星星真係好多~~ 真的很感恩可以在香港就看到滿天繁星 ^^~~
當晚吃完晚飯之後, 我們就繼續出席太空館職員安排的活動~~
首先就是聆聽講座~~ 其實今次觀星營的目標是看彗星~~ 天文專家之前發現了一粒叫"伊森"(Ison)的彗星, 估計它在11月至12月初會最接近地球, 於是就安排了這次觀星營~ 所以既然要看彗星, 當然要了解什麼是彗星、它的運行方式等等~~
雖然在講座上看到很多伊森彗星和其他彗星的美麗照片, 不過職員卻說了一個壞消息, 伊森彗星前幾日經過太陽時, 可能被太陽的熱力"燒毀"了......究竟我們仲睇唔睇到呢?
另外, 當大家以為看彗星是凌晨12點之類的時間, 職員竟然話係凌...晨...5...點......估唔到仲早過看日出......即係凌晨4點幾就要起身去睇囉......
未知答案之前, 我們仲有其他活動架~~
我們去了另一個活動室, 入面有個好大的藍色吹氣半球體, 仲要入去瞓低, 係因為要......
看模擬星空啦~~~ 吹氣天幕入面有個用電腦操作的投影器, 可以投影不同的星體及星座~~ 例如標示它們的方向、位置及名稱等~~
又可以按需要標示星座的圖畫~~ 職員就一邊讓我們看模擬星空, 一邊講解不同季節可以見到的星座及代表的星星~~ 例如冬天可以見到獵戶座、金牛座、雙子座等等~~ 幸運的還可以用肉眼見到銀河和星團~~
之後就是再行回去控制室, 用大望遠鏡看不同的星體, 例如獵戶座的主星參宿五, 看的時候見到明亮的光點有些橙光~~
用完大望遠鏡之後, 我們可以在另一座觀星台上, 用肉眼或望遠鏡看星星~~ 當晚天清氣朗, 比起今年夏天在天文公園看到的更多更清楚~~ 老公當然即刻爭取機會影相, 所以就有上面那張星軌照片~~~ 其實真係睇到唔捨得走, 不過要凌晨5點睇彗星, 唯有早少少去瞓覺~~
究竟我們睇唔睇到彗星呢?......
可以算是睇到, 因為太空館的職員好厲害, 大小望遠鏡都找到了一粒彗星, 於是有早起身的我們都見到~~~ 不過它就不是原本要看的伊森彗星, 而是另一粒叫"lovejoy"的彗星~~ 但有得睇已經好開心~~ 仲俾我哋見到一粒流星, 自覺已經好幸運~~~ 不過彗星距離太遠, 普通相機加上腳架都係影唔到, 不過親眼睇到都好難得~~
可以影到就是晨曦~~ 顏色很美~~ 不過方位問題, 日出就睇唔到~~
之後返去房小睡一會, 就已經係早餐時間~~ 吃完當然要享用營地的設施~~
我們先玩了射箭~~ 幾年前玩過之後一直想再玩, 終於有機會了~~ 之後去了打兵乓波同玩桌球, 咁就已經夠鐘~~ 因為輪到日營的人玩, 我們就去了電視室休息, 再回房執嘢~
有時間, 又參觀了草藥坊~~
又有好耐冇見過含羞草~~ 當然要用手摸吓啦~~~
天氣很好的一日~~ 如果可以留耐啲、玩耐啲就好啦~~~
係時候要食午餐~~ 食埋午飯之後, 有專車送我們回西貢, 就結束這次好玩的宿營~~
很開心可以參加這次活動~~ 費用當然比其他觀星營平好多, 又可以用很多政府設施, 平時其他團體參觀都未必可以使用~~ 而且除了看星之外又有講座同講解, 真係增進了很多天文知識~~
唯一爭少少可能是膳食, 可能平時參加的宿營都會自動有人幫手加餸, 食物比較豐富, 今次因為同一些唔識嘅團友一枱, 冇特別加餸, 於是8個人得5碟餸, 男士都唔係好夠飽, 可能下次帶多d乾糧先~~
個人覺得這些活動無論男女老少、一家大細都好適合參加, 大家如果有興趣, 得閒留意各個渡假營的網頁, 會不定期有觀星或其他主題的宿營活動架~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
