上篇講到去了柏架山, 之後就去了大潭水塘, 下一個景點就是赤柱~
相信假日香港冇邊度係冇人, 赤柱作為熱門旅遊景點, 當然人山人海~~
之後, 去了人煙稀少的舂坎角, 看到這個美麗的夕陽 ^^~~
都係先講番赤柱先~~~ 本來想碰運氣, 去試"泗益"的通粉及西多士, 不過應該生意太好, 一早收了檔, 咩都冇......於是就食了隔離的"民益", 民益就係食魚蛋、燒賣、麵食的~ 之前看到openrice的評價不算好, 不過由於我們都只是醫肚, 要求不高, 叫了一個咖哩魚蛋魷魚雙拼, 加多一支大樽可樂~~ 其實咖哩汁味道不錯, 但係份量少了一點 (又或者係價錢高了少少), 算係合格啦~ 至於環境當然很大排檔feel, 不算衛生乾淨, 這就是它的特色~
之後周圍影相, 行了一會~ 來到赤柱就算只是當中途站都好, 都要再一次看看這些耳熟能詳的景點~ 例如赤柱的街頭、赤柱廣場、美利樓等等~~
從美利樓望下來~~~
老公有新主意, 想去舂坎角公園......我就聽都未聽過, 不過佢想行去, 於是我們就先穿過這個赤柱馬坑公園, 在美利樓側邊~~ 可能係近幾年起的, 之前來赤柱都冇嚟過~~
穿過正門......之後我們有去看北帝廟及古井, 不過就冇影相~~ 可能這個公園就是想美化廟宇周圍的環境吧...
廟就沒有影低, 不過就見到一對對情侶, 坐在廟宇對出的石上看海談心~~
這個公園的小山頂上有個觀景台, 又上去八卦一下~~ 不過地方不太大, 而且得個太陽能發電台同埋廁所, 冇咩介紹, 加上開始日落, 愈來愈多蚊, 都係匆匆離開~~
行到去海雲臺 (沿樓梯落去是一個小沙灘), 右手邊再行是南門, 有條冇人行的小路......老公check過地圖, 可以穿去舂坎角, 就試吓啦......沿路當然冇人啦......
小路的盡頭是一個回旋處, 再行一段約15分鐘的路 (舂坎角道) 就可以去到舂坎角公園......真係第一次聽到呢個地方...
唯一覺得可觀的, 就是這個如影隨形的夕陽~~ 初時都以為這條路冇咩人, 原來都有人來放狗或跑步~
幾乎到路的盡頭, 原來有間政府護養院, 真係唔嚟過都唔知......這裡除了坐的士、自己揸車、或者自己行入來, 每日就只有5班小巴.....個幾2個鐘先有小巴, 似乎好偏僻...不過一個背山面海的護理院諗落環境一流......不過都希望大家身體健康, 如非需要真係不要住......
不知道那裡的老人家或院友, 每日看著這些風景, 心情如何?...
傳說中的"舂坎角公園"出現了......不過咁細個嘅?......
原來仲有條小路行落去......
這裡是公園的第2部份~~ 有個圓拱形的物體~~~
原來這裡以前是軍事用地, 圓拱形的建築物係炮台, 不過依家一支炮都冇, 只有坐位, 近海就有幾個燒烤爐~~ 如果有車又唔想同人爭, 嚟呢度BBQ一定有位......當日去到都見到3個赤膊上身的男人喺度BBQ......
仲有一條樓梯行落去~~~
唔知呢個原本係另一個炮台, 還是小碼頭來的?...
老公同我都努力拍照~~
沿海的景物不多, 不過第一次來都係要記錄一下~~ 可以看到不少遊艇駛過~~
看到太陽愈來愈低, 是時候趕番出去......行20分鐘返去回旋處的位置, 就有巴士去中環或柴灣~~ 幸好即時有車, 雖然冇位, 不過唔等啦......
我們搭了6X巴士, 經過灣仔, 於是就在灣仔落車, 行了去食"靠得住"~~~
混醬腸粉~~ 真係好多汁醬, 而且腸粉熱呼呼, 又腍又滑, 味道很好~~
牛腩麵的味道都不錯, 牛腩好腍, 幾入味, 湯汁味道幾濃, 不過啲麵煮得不夠散, 食起來"一舊舊", 要咬幾次才分得開...
雲吞麵的雲吞比較細粒, 而且一開始被麵餅蓋住, 要撈番啲雲吞上嚟食, 不過味道不錯, 都合格的~~
今日計埋又行了1X公里, 出了一身汗, 有點辛苦不過都開心, 因為可以欣賞美麗的郊野景色, 而且去過一些從未去過的地方~~~ 希望下次有機會再去啦~~~
如果大家想更加了解赤柱或舂坎角公園, 可以看看以下的網頁或blog友的介紹:
赤柱
http://www.discoverhongkong.com/tc/shop/where-to-shop/street-markets-and-shopping-streets/stanley-market.jsp
http://lintietie.pixnet.net/blog/post/30267430
http://standinghere.pixnet.net/blog/post/31561349
舂坎角公園
http://chopio.pixnet.net/blog/post/24826868-%5B%E5%8D%97%E5%8D%80%5D-%E8%88%82%E5%9D%8E%E8%A7%92%E5%85%AC%E5%9C%92---%E7%9C%8B%E6%B5%B7
http://www.pfigaron.net/place/p01.htm
http://hk.apple.nextmedia.com/supplement/travel/art/20040301/3886321
http://www.hkhikers.com/Chung%20Hom%20Kok.htm
http://kaka41218.blogspot.hk/2014/03/blog-post_12.html
靠得住
http://www.openrice.com/restaurant/sr2.htm?shopid=12650
https://zh-hk.facebook.com/pages/%E9%9D%A0%E5%BE%97%E4%BD%8F-Trusty-Congee-King/188808891165045
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
