風雨遊東平洲(2)

上次說到看完了更樓石, 是時候行去看看其他景點~~ 不過由於在石灘上看不到有路可以繼續沿海行, 加上自己剛剛滑倒了一次, 於是大家決定在內路行~~




內陸的路尚算平坦~~ 不過可看的不多~~


行上行落好一會, 都未有得行落海邊......不過不時聽到海浪聲哩~~ 地圖說這個位置是"難過水", 可能因為是危險地帶, 所以就冇得行落去~ 後來再看看網上資料, 原來係可以行海邊的, 不過要退潮、好天的日子才可以做到, 當日天氣唔好, 所以就唔得啦~~


行了好一會才看到指示牌或路標架~~ 下一個景點叫"龍落水", 唔係係咩樣呢?~~


終於有個位置, 一行落去就是"龍落水"的石灘~~ 浪花一朵朵~~~ 趁著有平坦的位置, 我們坐在海邊的矮樹旁吃自備午餐~~ 不過盡量唔好坐太近海邊, 因為有幾個女士就係咁, 潮水湧上來浸到她們, 她們唯有即刻走...


很久沒有試過這樣對著海邊野餐~~


浪花又係百看不厭~~


附近還有一些野生的假菠蘿~ 奶奶話以前試過在其他地方摘下來煲湯, 不過佢話呢啲未熟, 唔摘得~~


原來"龍落水"要在高處先看到~ 2個女士坐住的那條長形石頭就是"龍", 面對大海就嚟入水~~

又繼續在內陸行了一段路, 到了另一個景點: 斬頸洲~


高處看來又是另一個不錯的可灘, 但係斬頸洲在哪裡?

其他人話行落去就會見到, 因為係冇路的, 要自己手腳並用沿著石邊行落去, 又係要好小心~~


這條就是斬頸洲同主島的分開的"通道"~ 好耐以前斬頸洲是主島的一部份, 但因為海水長年侵蝕, 令到它們分開, 左手邊就是斬頸洲, 右手邊就是東平洲~


大自然用了多少時間把它們分開呢? 肯定經年累月才有這些痕跡~


"通道"的盡頭又係石灘~ 同先前看的又不同架~~


行返上去, 又行了一段內陸路線, 就行到去洲尾角~~ 由呢個位置開始又可以行返去海邊~~


這裡有另一牌標示牌, 正如網上所言, 背面影真像日本的鳥居~~


仍是片片浪花不絕~~


這邊沙比較多, 石頭少一些~~ 不過都好看~~


這次像一塊塊木耳~~


突然見到幾個玻璃瓶, 入面有紙喎, 寫咩呢? 有其他人行過, 幾經辛苦喺個樽拎張紙出嚟睇, 原來都是"心想事成"、"全家安康"之類的說話, 希望看者有份啦~~ 不過紙上的日期是昨日, 即係早一日有人扔出海, 不過都係飄了回來?


都是看看海, 行行沙灘比較實際~~ 地圖上標示這裡是長沙灣, 近村那邊就是大塘灣~~


如果唔行沙灘, 亦有石屎路可行~~ 這條路上有個公廁, 不過咩水都冇嘅, 洗手同沖廁水都冇.....


行到一些村屋, 重門深鎖, 不過花園的農作物好多, 木瓜成棵樹都係, 唔知係村民定係遊客種的?~~


差不多行回到碼頭, 就是大塘村, 原來2間士多都在這裡, 難怪行完成個圈先見到~~


好多人坐哂喺度食嘢飲嘢, 其實行到嚟都係3點幾, 仲有1個多小時才有船哩~~ 唯有周圍行行坐坐等船啦~


船大約4:45就到碼頭, 如果驚冇好位坐, 可以好似有些露營人士般, 4:15就去等船~ 當日去到的時候得半架船人, 回程就成個碼頭同成架船都係人, 原來有幾十人來露營/宿營影星星 (聽到他們的對話), 相信是星期六坐船入島留宿一晚的~~

這次行程都幾有趣, 看到了不少奇珍異石, 而且時間都幾充足, 4個多小時就行完成個島, 不算吃力, 不過內陸的村屋/古蹟就冇時間看~~ 另外, 雖然這天下雨, 不過天陰即係唔曬, 行起來冇咁熱, 都是一種好處~~

以下有些資料, 例如船程、島上其他景點:

http://www.geopark.gov.hk/b5_s4f6.htm

http://www.oasistrek.com/tung_ping_chau.php

http://www.afcd.gov.hk/tc_chi/country/cou_vis/cou_vis_mar/cou_vis_mar_des/cou_vis_mar_des_tun.html

http://www.td.gov.hk/tc/transport_in_hong_kong/public_transport/ferries/service_details/

http://go2nature.net/tp.html

http://www.hknature.net/chi/geodiary/diary_06.html

如果大家有興趣, 可以考慮自助遊, 因為旅行團通常都唔會環島行, 因為要趕去其他地方, 自己去就可以行耐啲~~ 買飛的話, 如果唔係好多人一齊去, 直接在馬料水碼頭即買票即上船就OK~ 另外按網上資料, 想在島上留宿可以聯絡士多, 俾錢就有熱水沖涼和床位~ 如果識得浮潛, 可以在島上地圖標示有珊瑚的位置潛水看看 (即是阿媽灣或大塘灣)~~

除了小心島上的公廁, 仲有一樣要小心的就是黑蟻, 島上面有好多好多, 一路行內陸的山路都見到, 而且唔怕人, 如果你行行吓停低, 仲會一隻隻爬上你隻腳......想去行山的朋友要小心呀~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================