風雨遊東平洲(1)

下著雨的星期日, 我們很早就同奶奶約定了去東平洲, 看了天氣預測, 可能下午沒有雨吧, 於是都登上了往東平洲的船~~ 可能好多blog友去過的地方, 自己真係未去過, 仲要落雨先去, 唔知有咩睇呢? 原來比想像中豐富多了~~




雨中去了船頭看風景, 勁大風, 加上啲雨打埋嚟, 匆匆影完就繼續坐, 不過一程船要1個半小時, 比上次去東龍洲仲遠~~


架船由馬料水一路駛過赤門海峽往東平洲, 所以沿途會見到馬鞍山...


又見到八仙嶺 (不過俾雨雲遮了一點)...


又見到船灣淡水湖同水壩......總之船上冇咩做, 除了傾計, 就是影相~~~ 不過天氣不算好, 影出來的效果就打了折~


終於見到碼頭了~~~


落船先~~ 人不算好多, 約坐滿半架船, 不過在這種天氣都有人坐, 應該算不少了人~~


落了船, 大約10時半, 回程要下午5:15先有, 大把時間周圍行~~ 當然亦要先拜訪碼頭附近的公眾洗手間, 點知竟然冇電又冇沖廁水, 要自己沖廁、冇燈照明都算了 (但日頭都幾黑架...), 其中一度廁門仲要係爛嘅, 如果度門跌落嚟都幾危險......作為一個郊野公園/地質公園, 唔係應該要做好配套給遊客嗎? 真係無奈......


幸好有趣的風景很快吸引了我們的目光~~ 碼頭附近就已經有奇型的石頭~~


看看地圖先~~


上面有3條路線, 最長的環島路線需要6小時, 由11時到5時, 剛剛好夠時間, 當然是遊足全島~~

網上的介紹說通常由右手邊行, 因為那邊見到的奇景較多, 不過很多導賞團/旅行團都是取這邊, 如果想避開人潮, 可以反方向由左手邊開始行~~ 不過我們當日人不算多, 都係由右手邊行先~~


其實東平洲係叫"平洲", 不過為咗唔好同另一個"坪洲"混淆, 於是加上"東"字~~


沿著海邊行, 不時都見到奇型的石頭, 之後就行到去一條村落, 好似叫沙頭村~~ 地圖上說這裡對出是阿媽灣~ 這裡有天后廟和譚公廟可以參觀, 又有一些荒廢了的村屋可以看看~~


我們見到人人都是在沙灘上行, 於是沿著大家的路線行到去阿媽咀, 周圍都是奇形怪狀的石頭, 地型好特別~~


好像一塊大大的洗衫板~~ 大自然的傑作真係好有趣~~ 那條紅色柱的功用不知是什麼呢?~


行過少少, 石頭的樣式和顏色又不同了, 雖然周圍都係石頭, 總是覺得百看不厭~~


彎彎的石灘~~ 天陰來到是一番風景, 相信好天來的時候又是另一種風景~~


這裡有不少看來是白色石頭的物體, 其實是一舊舊死去的珊瑚......大大小小都有, 雖然樣子幾特別, 不過知道一個個都是珊瑚死去的痕跡, 總是覺得有點唏噓......


沿住海傍繼續行, 石頭又變得不同了~~ 這次像一塊塊大理石~~


不過這時, 原本已經停了雨, 突然又落過......行在這些石上真係要小心滑倒...


見到了標示牌, 證明了我們的所在~~


再行過一些, 石頭又變了樣~~ 愈來愈啡~~


原來我們已經行到了另一個景點: 更樓石~~ 這是其中一舊~~


海浪愈來愈強勁~~~ 頗有氣勢的~~~


兩舊大石頭, 不知已看了海岸多少年?~~ 不怕滑倒的, 可以好似我老公咁行上去~~ 自己就冇咁行得好, 滑了一跤, 撞到膝頭, 雖然冇擦傷, 不過紫了成個星期...所以真係要小心~


它們的隔離就是另一個石灘, 又是另一種景象~ 頭先是深灰色的洗衫板, 這次是啡色的~~~


除了在日本和濟洲, 自己都係第一次在HK看到這些美景~~ 就算天色不好, 也覺得好好看~~


這些就像一塊塊朱古力~~ (看來自己開始肚餓了~~)


開始停雨啦~~ "雨過天晴"~~


不過海浪仍然強勁~~ 這些都算小了, 大的一打埋嚟就唔見咗, 影都影唔切~~


除了大大小小的石頭, 附近還有野生仙人掌~~ 即刻有種熱帶的感覺~~


仲有仙人掌花哩~~


周圍還有不少蝴蝶哩~~ 可惜牠們飛得好快, 老公都係匆匆影到幾隻~~


行到這裡, 都差不多12時多, 只行了1/4路程, 係時候趕路啦~~ 因為好多相, 下篇再繼續~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================