東龍島半日遊~

又有機會平平哋周圍遊~~ 這次參加了"中銀香港綠色社區計劃", 今年的主題是"慈善環保攝影行", 8月報名的時候, 短短半個小時, 所有2013及2014年度的導賞團都滿額了~~ 本來老公最想報的大埔滘導賞遊, 唔駛5分鐘全部冇哂位 (可能個個都好想睇螢火蟲...)......當然又係要即刻諗第2個, 我們2個都未去過東龍島 (或者叫東龍洲), 不如就揀呢個團~~




我們一早就去到尖沙咀集合~~ 很久未試過晨早來到這裡, 好似遊客~~ 又影吓維港先~ 天氣都算不錯了, 不過秋天已經躲不過煙霞......


影吓個名牌~~ 要有它先可以上船~~


可以上船啦~~~ 今次一團百多人, 所以架船都唔細~~ 初初仲以為得幾十人, 不過太少位可以就報唔到啦~



坐了大半個小時, 終於到了~~ 我們在舊碼頭的位置上岸~~ 東龍島的位置是在清水灣半島的對面海~~


我們先由南堂碼頭 (舊碼頭)行去炮台那邊~~ 沿途的景色不錯, 雖然陽光普照, 不過秋高氣爽, 一點也不炎熱~~


繼續行~~~


中途經過一個石灘, 大家已經急不及待在拍照~~ 開始見到這裡獨特的地貌~~


還見到這個地標: 島上的燈塔~~ 一陣間再介紹~~~

我們的行程是先經過露營地, 經過南堂頭村, 往炮台參觀, 再往懸崖邊, 然後自由活動~~ 不過百多人一齊, 加上地方不大, 所以影相時周圍都係人, 所以自己的介紹次序就同行程倒轉了~~


這裡就是行過燈塔之後的懸崖邊~~ 有告示牌叫大家不可再前進~~


景色幾壯觀~~ 根據地圖所講, 這裡可以看到"潛龍吐珠", 再遠一點就是"噴水岩"及"鬼洞", 不過導賞團的行程沒有再行過去, 所以今次就不算完全看到~~ 上網再找了資料, 原來還有其他景觀, 希望如果下次再來可以去看看~~


對面就是西貢、清水灣半島, 還有清水灣高爾夫球俱樂部~~ 導賞員話為了興建高爾夫球場, 當時用了不少化學劑清除雜草, 結果化學劑流入大海, 令到那裡的馬蹄蟹（又叫鱟)都沒有了......所以有時人們為了一時玩樂, 卻對環境造成了永久的破壞哩......


趁住自由活動時間, 我們行回去炮台參觀~~ 之前一堆人塞入去, 什麼都看不到~~


原本這裡已經荒廢了好多年, 後來70年代政府開始進行考古研究及保育, 修復了部份遺跡~~ 我們看到的是原本的營房, 不過什麼都沒有了~


唔知古代時原本的樣子是怎樣?~


那條樓梯可以上去炮台, 不過其實不可行入去...而且其實上面都只是一個平台, 一支炮都沒有了~


這裡就是入口了 (真係倒轉次序嚟影)~~


隔離有間小屋, 其實是小小的展覽館~


入面介紹了東龍炮台和東龍石刻~~ 這次我們的行程沒有去看石刻, 不過上網見到他人去過, 行好遠去望一舊古石, 值不值得就見仁見智了~~


沿住海邊行, 一面行, 一面看浪濤拍岸~~


南堂頭村有2間士多, "假日士多"就是最出名的, 入面有好多明星的照片, 而且幾乎人人都是揀這間來吃喝~~ 網上仲話這裡有免費的洗手間和廁所, 可以沖涼, 亦可以租冷氣房~


隔離就有另一間士多~~ 比起來較冷清, 可能因為都是露天座位, 又或者這日不算多人, 大部份人都去了另一間~~


佛堂門公眾碼頭(新碼頭)附近有個很小的沙灘, 走去行了一陣~~


之後折返去假日士多, 有一條路可以行去另一個露營地點~~


再行出去, 其實就是行落去燈塔~ 但其實係冇任何路, 只靠自己摸住石頭行上行落~~ 我就唔得又唔敢, 老公就行咗落去, 於是我的工作就是幫他影相啦~~ 其實點解唔整條小路上落? 可以安全點嘛...


這裡另一個角度, 就可以望落去沙灘同新碼頭~~


折回士多位置, 等候齊集時, 剛巧就見到3隻貓一齊開餐~~ 原來牠們一齊食飯架~~ 我們同一時間都食麵包做午餐~


下午的活動就是行上去雞乸山, 上面有舊雞乸石~~ 不過其實又係冇路的, 要由導賞員開路帶我們上去~


行到半路, 影吓下面先~~ 見到個炮台了~~


唔係有人一齊行上去, 真係幾乎行唔到~ 自己又著了對普通波鞋, 下次都係要著行山鞋...


終於見到舊石的真身~~ 上面有好多洞洞的~~


之後, 大家一齊聽導賞員的介紹~~ 原來這兩舊係"天外飛石", 不是原本在這裡~~ 而且西貢附近在很久以前曾經有火山活動, 而香港的地質公園之所以出名, 是因為那裡的火山石是"酸性"的, 有一種特別的化學物質, 但世界其他地方的火山石, 大部份都是"基性"的......說了好多, 讓大家都上了一堂地理課~~


在上面還遠望到果洲群島~~


附近的魚排都變得好細~~


之後就要下山~~ 條路比上山仲難行, 有些位置要眾義工一同幫手, 逐個扶實先落到~~ 到可以影相時, 呢條小路已經係平路啦~~


行行下, 有不少蝴蝶~~~ 大家當然不可以錯過機會~~


好靚呀~~


行回到士多, 就是在新碼頭坐船離開的時候~~ 從船上再遠望雞乸山~~


海面突然有幾架帆船, 好漂亮~~


仲睇埋新的郵輪碼頭~~ 真係好長~~~ 之後架船回到尖沙咀, 就結束了這次的小旅行~~

咁大個都係第一次去東龍島, 地貌都好特別, 令我們想起韓國的濟洲, 因為大家以前都係火山地帶~~ 希望下一次有機會去埋島的另一面行行, 或者有機會露營都好~~ 不過自己坐船去就要看看船公司的時間表, 因為唔係好多船架~~

如果想了解東龍島更多, 可以看看其他網頁或者blog友的介紹:

http://the-sun.on.cc/cnt/lifestyle/20120519/00480_001.html

http://www.franks.hk/blog/blogentry.jsp?blogId=1065

http://viruslib.mysinablog.com/index.php?op=ViewArticle&articleId=1807020

http://www.oasistrek.com/tung_lung_chau.php

http://www.discuss.com.hk/viewthread.php?tid=21645338

http://edwinor.blogspot.hk/2012/07/blog-post_17.html

http://hkaplusb.blogspot.hk/2013/05/blog-post_8.html

http://lawnmaphk.org/portal/archives/2772

如果想看看船期, 可以看看運輸署的網頁:

http://www.td.gov.hk/tc/transport_in_hong_kong/public_transport/ferries/service_details/

如果想多了解"中銀香港綠色社區計劃", 可以看看它們的網頁, 不過所有導賞團一早在8月已經爆滿, 大家可以看看活動的相片:

http://bochklohas.com/

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================