0

香港蝴蝶節~

helenhlblog 於 2013-08-04 00:00:00 發表  |  累積瀏覽 760

分類:其他 攝影 郊遊 ;地區:荃灣
8月4日, 難得天清氣朗, 我們一早決定參加"綠色力量"舉辦的"香港蝴蝶節", 於是就向城門郊野公園進發~~

去城門郊野公園不難, 在荃灣兆和街同眾安街交界有82號綠色小巴, 一程車就到~ 星期日及公眾假期去的話仲有一架94S小巴, 由荃灣西鐵站去城門水塘, 大家有需要可以check吓~~

到咗之後, 選擇上樓梯那條路, 就可以去到遊客中心及踏上自然教育徑~~







遊客中心入面的介紹都不錯, 讓大家更了解城門郊野公園的環境及生態~~ 入面有展板、影片、互動遊戲、拿取不同的郊遊小冊子、詢問處等等, 如果大家行得累, 入去涼一下之餘, 看看展品同介紹都幾好架~



出咗遊客中心, 行多小小路, 就可以轉右行上去菠蘿壩, 城門水塘其中一條水壩~~



天氣真的好好~~ 雖然好熱, 但望到好風景, 總覺得心曠神怡~~



藍天白雲真是百看不厭~~ 遠遠還看到另一條水壩~~



教育徑很平坦, 適合一家大小, 難怪一邊行都有不少人, 唔係個個都去蝴蝶節, 有些人是來行山的~



好似小河的引水道~~ 我們一邊行的時候, 已經開始見到不少蝴蝶了~~



因為蝴蝶大多時飛來飛去, 牠們停下的時間不多, 都影了幾張先拍到一張似樣的~~ 這隻是黑脈園粉蝶, 是香港常見的蝴蝶之一 (都係看海報才知道牠的大名~~)



在教育徑行了一會, 就會見到一條樓梯, 就是往"賞蝶園", 即是今次"香港蝴蝶節"的會場~~



都要行百多級, 所以行上去的話要小心~~



終於到咗會場啦~~~



已經有不少人聚集, 仲有不少攤位, 有一個是登記參加導賞團, 亦有不少攤位遊戲, 也有禮品換領攤位等~~

我們登記了下午的導賞團, 所以有時間就去了正式的"賞蝶園"影相, 之後又玩了一些攤位先夠鐘~~



賞蝶園種了不少蝴蝶喜愛的植物, 所以牠們就在這裡聚集~~ 不過天氣好真係幾曬, 所以牠們都是飛來飛去而好少停低, 原來是為了散熱~



係幾難影到, 不過我們努力之下, 都影到一些肯乖乖停下的蝴蝶~~ 這是巴黎翠鳳蝶~~



有時想影蝴蝶, 反而有意想不到的收獲, 影到小蜜蜂~~



就算冇蝴蝶蜜蜂, 淨係花花都好漂亮~~



賞蝶園入面仲有一個給蝴蝶飲水的"水池", 不過可能人太多, 上面一隻蝴蝶都沒有哩~



賞蝶園入面又有幾位"定點導賞員", 介紹園入面的蝴蝶~~ 他們還發現了一些蝴蝶的卵子, 好細粒呀~~

看完賞蝶園, 又扮小朋友玩完攤位之後, 係時候參加導賞團~~ 由義工帶我們前往另一個觀賞的地方, 而途中亦有看到蝴蝶的機會~~



沿途都有不少蝴蝶, 大家聽取導賞園介紹之餘, 都爭取機會拍低不同蝴蝶的美態~~



呢隻同上面嗰隻蝴蝶的樣子都好特別~~



難得兩隻蝴蝶聚埋一齊~~ 我們行到中途, 有一棵樹上有好多蝴蝶, 這就是其中2隻了~~



我們在看樹上的蝴蝶時, 附近幾隻牛一於好少理, 悠然自得的在吃草~~~



終於行到另一個觀蝶的地方: "蝴蝶園"~~



入面同賞蝶園差不多, 都是種了不少蝴蝶喜愛的植物, 於是都有一些蝴蝶飛來飛去~~ 不過好難影到, 而且這裡冇咁整齊, 花草比較亂~~



幸好回程時, 大家可以影到這隻報喜斑粉蝶~~ 顏色不錯哩~~



回程的終點就是賞蝶園~~ 這是另一個入口~ 如果大家唔想行頭先的樓梯上來, 可以一開始在城門郊野公園的入口, 選車路來行, 都可以來到這個入口~ 這裡的樓梯只有十多級~



參加完蝴蝶節之後, 我們在附近再行了一會~~ 其實好想沿水塘行一個圈, 不過咁樣要用多2個鐘, 我們有事都係走先~~ 希望下次可以再有機會行~~

我們今次參加的是"香港蝴蝶節"第一次活動, 如果大家都想參加, 仲有1/9 (日) 同6/10 (日) 兩次機會~~ 大家去"香港蝴蝶網" 下載及印出入場券, 去到會場就可以換領一張"香港常見蝴蝶"的海報:



此外, 會場有好多攤位遊戲, 大小朋友玩完可以收集印仔, 夠數可以換到不同禮物, 例如萬字夾、毛巾、水樽、file、環保袋等等~ 仲有整手工攤位 (要預約, 先到先得), 真係好啱一家大細嚟玩, 同埋一齊欣賞美麗的蝴蝶, 從而記得愛惜及保護大自然~~ 亦很感謝為這次活動付出努力的員工及義工, 謝謝他們落力的服務及介紹~~

香港蝴蝶網:

http://butterflyclub.greenpower.org.hk/chi/

活動詳情及下載入場券:

http://butterflyclub.greenpower.org.hk/chi/festival.php


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

1) 在荃灣兆和街同眾安街交界有82號綠色小巴, 一程車就到~ 2) 星期日及公眾假期去的話仲有一架94S小巴, 由荃灣西鐵站去城門水塘

鐘意SeeWide的分享,給我們一個Like吧!
  • 攻略日期:N/A
    攻略地點:荃灣
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337580

全部攻略 333

全部回應 39