好耐都冇時間周圍行, 於是揀咗去山頂, 扮吓遊客先~~
![]()
![]( "peak 1")
依家無論去任何景點都係超多人~ 去等纜車, 都排咗差不多1小時先搭到, 唯有影吓纜車站~~ 望落多年都冇變咁, 定係有自己唔知呢?~~
![]( "peak 2")
搭車想有位又係要同一眾遊客競爭, 記住坐3座位那邊, 無論上落都係, 就可以睇到海景~~~ 暫時纜車都係紅色, 唔知第時又會唔會換新車?~~
![]( "peak 3")
我們買了纜車套票, 除咗包纜車來回, 仲包一次上去凌霄閣的360觀景台~ 都係第一次上去, 其實都係睇維港景色, 叫做比山頂廣場同環山徑高d, 景色點睇都係好靚, 而這個觀景台要收$30才可以上去, 似乎就唔算好值得, 不過當試一次去睇吓~
![]( "peak 4")
其實都有好處, 收錢嘅地方少人d, 看風景都好d~~
另一邊可以看到薄扶林水塘同南區 (水塘好似一塊鏡~~), 不過當日陽光太耀眼, 影出來濛濛的~~~
![]( "peak 6")
凌霄閣頂樓有人, 就是360的位置~~
![]( "peak 7")
之後行了山頂廣場一陣, 去了食haagen dazs, 不知不覺太陽開始下山~~
![]( "peak 8")
決定要快d去今次嘅目的地~~ 就係山頂公園~~
山頂公園係喺柯士甸山道行上去, 行了約10分鐘會先去到柯士甸山公園~~ 係一個西式設計的公園, 都幾多人喺度玩、喺草地野餐、放狗等~~ 很舒服嘅地方~~ 仲見到呢種好得意嘅小花~~
再繼續行上去, 行多20分鐘~~ 一邊行一邊見到幾個小公園, 很多草地, 人不多, 如果唔係要趕上山, 真係好想停低影多啲相同享受一下~~
![]( "peak 8")
終於上到山頂公園了~~ 太陽差唔多冇哂, 見到如彩虹的環帶~~~
![]( "peak 8")
原來山頂公園就係呢個亭, d劇集好多時都見到d角色嚟呢度~~ 如果有車, 揸上嚟有停車場, 方便過行路, 難怪有一班外國人來附近的草地野餐玩樂~~
![]( "peak 9")
之後就要趕落山, 因為個天黑得好快, 行到半路已經著哂燈~~ 其實幾有情調~~
![]( "peak 10")
落到山真係黑哂啦~~ 都走去行環山徑睇夜景先~~~ 條路好黑呀~~
![]( "peak 11")
不過就係要夠黑先睇到香港的夜景~~ 世界新三大夜景之一, 就在這裡~~ (不過自己個相機係影到咁多, 實景無論幾時來看都更加美~~)
![]( "peak 12")
之後去埋"老襯亭", 同啲遊客排咗一個鐘先可以坐纜車落山...如果有得揀, 大家真係要考慮好唔好坐纜車上落, 不過呢個方法真係最有風味的...
最後剛好8:30去了鴻星食大閘蟹, 雖然有8折, 不過都唔平, 但真係好好味, 超多膏~~~
![]( "peak 13")
咁就完成咗做"遊客"的一日~~ 有老公陪一齊玩真係好開心~~~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
