0

米埔觀鳥行~

helenhlblog 於 2013-04-20 00:00:00 發表  |  累積瀏覽 1239

分類:其他 特色景點 攝影 郊遊 ;地區:元朗
三月中, 我們參加了米埔的"追蹤候鳥之旅"~~ 其實前年我們已經去過米埔, 當時參加的是"米埔自然遊", 即是參觀魚塘、觀鳥屋及野生生物教育中心, 也入了蘆葦及紅樹林行了一圈~ 而這次追蹤候鳥的重點當然是看雀仔~~ 但原來都有其他驚喜架~~



這間就是米埔的遊客中心~~ 我們未正式入去米埔之前, 就在這裡聽了有關香港雀鳥同候鳥的講解, 讓我們一會兒看到雀鳥都認得係咩雀仔同知道牠們的名字~~






聽完講解, 拿了望遠鏡, 我們就在導賞員的帶領下起行~~ 如果有去過米埔的朋友, 可能知道米埔區域一邊是魚塘及紅樹林, 我們今次就由另一邊開始行~~ 呢邊有大大個禁區牌同鐵絲網, 證明我們開始行入去啦~



一路行都是這種景致, 有啲覺得自己似"非法入證者", 而導賞員都講, 以前偷渡問題嚴重時, 呢度真係有偷渡客的~~ 暫時未有好多雀仔, 有啲會突然間飛過~~



天氣不算好好, 不過冇落大雨又唔係好熱已經唔錯~~ 如果再熱啲可能啲候鳥會走哂~~



突然見到幾棵樹上有好多雀鳥~~ 牠們就是鷺鶿了~~ 原來牠們鍾意企嘅樹都冇哂樹葉, 係因為佢哋的"便便"有腐蝕成份, 所以那些樹就慢慢變成光禿禿...



近鏡少少, 看看牠們做什麼~~ 唔知牠們在望/等什麼呢?~~



突然見到有棵樹好多粉紫色的花花~~ 唔知係咩植物呢?~~



中途見到這間基圍展覽館, 如果參觀基圍之旅就應該有得睇, 我們今日的目的是觀鳥, 所以這個小展覽館就冇開啦~~



正式進入禁區中的"禁區", 因為最近后海灣海傍的觀鳥屋是在這裡入去的~~



入面其實是一大片紅樹林, 比起之前在其他地方 (例如濕地公園、大澳), 甚至米埔的另一邊都茂密好多~~



它們的花原來好靚~~ 影低先~~



原來行入去觀鳥屋的一大段路, 係用木板同水桶做的浮橋~~ 同濕地公園那種浮橋好唔同, 這條真係浮在水面, 稍為大動作, 行大力d都有可能跌入水, 每段橋只可以承受5個大人的重量, 而且只有其中一邊有扶手, 所以行的時候真係要好小心, 影相都要企定定先得~~ 成段路都行咗10分鐘, 係一個很有趣的體驗~~




行完浮橋, 再行多一段紅樹林路...

maipo 14

就見到一間"鐵皮屋"~~ 這間就是海傍觀鳥屋~~ 入到去坐好, 從"窗口"望出去就可以觀鳥~~ 我們今日都算幸運呀, 真係有不少雀仔~~



有白鷺及很多反嘴鷸~~



牠們很努力地在探頭、"潛水", 為的當然是食物~~



牠們的後面, 隱約見到一隻雀仔不停用黑色嘴巴, 在水中掃來掃去找食物, 牠就是珍貴的黑臉琵鷺~~ 不過導賞員都話, 唔知點解只有一隻, 牠們通常是一群出動的~~



唔知係咪潮水愈來愈退卻, 所以看了一會, 牠們突然一同飛起, 再在較出面的位置停下, 情境好壯觀~~ 原來觀鳥最好的時間是漲潮, 因為雀仔會企近觀鳥屋~~唔去參加都唔知這些知識~~




過了一段時間, 仲見到其他唔同嘅雀仔, 例如海鷗~~ 不過因為退潮愈來愈快, 牠們愈企愈遠, 用望遠鏡先睇到, 我們的相機都唔係好影到~~ 反而同團的人好多都有備而來, 單鏡反光機再加超長鏡頭, 當然影得好好多~~



有幾隻白鷺都唔係好怕人 (或者唔知我們在觀鳥屋), 行得幾近, 目的係要搵食~~



經過一輪搜索, 終於俾佢捉到一條彈塗魚~~



佢突然抬頭, "骨碌" 就吞了那條魚, 見到頸的"Z"形, 就是條魚在喉嚨中~~



呢條彈塗魚心諗: 好彩我冇俾人發現啫~~

我們的觀鳥時間有一小時, 當然時間比想像中快過, 好快我們就同雀仔拜拜, 沿住浮橋行番出去~~

之後成團人就行了一段路, 去到之前我們曾經去過的野生生物教育中心~~



我們上次有行這段路入去看紅樹林, 今次就沒有, 只是經過而已~~



到了中心~~ 外觀和之前分別不大, 入面的展品都係那些.......其實要來的原因, 係入面同附近有2個觀鳥的地方, 都有機會看到不同的雀鳥~~



上次來的時候是秋天, 這次春天來, 就有花看了~~







池塘有不少不同雀鳥, 突然又見到熟悉的樣子...





又有一隻黑臉琵鷺~~ 又是好努力在搵食, 好不容易拍到牠的側面~~



時間差不多, 我們是時候回程, 沿住魚塘的小路行出去~~



景色和上次來不是差好遠, 不過上一次回程時有見到夕陽哩~~



唔知下一次幾時有機會再來哩~~ 這是一個很有生態價值的地方, 希望大家都可以好好珍惜同保護~~

之後就有專車接送回元朗, 不過去程係要自己負責的~~ 其實行入去米埔的路都有機會見到雀仔, 所以自己行同坐專車都各有好處~~

如果大家有興趣去米埔參觀, 可以看看世界自然基金會香港分會的網頁, 可以即時網上報名參加導賞團:

http://www.wwf.org.hk/getinvolved/gomaipo/



============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:元朗
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337567

全部攻略 333

全部回應 39