2009年4月17日 星期五 台灣第二日.
今日7點幾就起身, 因為要8:30前去到台北西站坐國光假期去嘉義.
驚住唔夠時間, 所以搭o左100蚊(台幣)的士去台北車站. 點知班車遲o左成10鐘至開車. 早知就慢慢搭捷運都ok.
台北 ---> 嘉義 車程 約 3小時20分鐘. 真係仲耐過由香港飛去台灣.
去到嘉義火車站,先要搵 "宏都" 窗口去換票.
小火車來回票價係 $759, 單程係399台幣.
去到阿里山出車站, 其實必定要買入場券 $150
第二日回程票. 日班車開8:55. 我地係坐12點回程.
係嘉義火車站仲要等90分鐘至搭小火車上阿里山. 所以我地係火車站呆等.
1:35分開車 --------->阿里山 車程約 4小時.
登山小火車其實都幾舊. 一邊2人坐位, 一邊單人坐位. 去到尾段時仲會係Z字型咁上山. 所以有時係會倒頭行o既.
呢塊田種緊菠蘿
海拔2,216公尺o既阿里山
聽講話要經過 49座隧道, 77座橋樑至到喎.
嗱~行o左一個鐘左右, 就係呢個站落車, 行15分鐘到到另外一架小火車上山
千祈唔好拉住個o急上阿里山, 一定攞到屎下屎下. 不過我又見到唔少香港人帶o急上山喎.
尾段倒頭車行. "Z"字型咁上山
火車經過.....見到呢舊.......就係神木..........幾大舊......
去到阿里山都差不多6點啦. 真係坐到暈.仲可能有d高山症, 好鬼頭痛, 尤其係行得急o既時候, 行去酒店時頭有d痛, 休息一陣又冇乜o野, 再行又再痛過.
我地住係神木賓館. 係阿里山站附. 行路就到. 幾方便.
因為包埋晚餐, 所以放低行李就走去開餐,
我地唔要碟筍, 加o左一碟牛肉,,,,,,,,居然唔洗我地加錢......本來係台幣100蚊碟o架.
之不過...........
姨甥話齋: 最豐富呢餐, 但又最難食係呢餐, 佢真係講得無錯, 牛肉無牛肉味, 豬肉冇豬肉味.... 連d雞都係無味o既.
![]()
掃o左一堆零食做宵夜 & 聽日坐車食
氣壓問題. 包薯片漲到爆咁滯
今晚包o左一個節目係觀星. 夜晚都幾鬼凍, 唔夠10度. 好彩帶o左件羽絨上山
不過帶唔夠衫都可以係旅館租. 100蚊台幣.
太黑啦. 影唔到星星相. 但導遊先生講解得幾好o架. 可惜我d國語都係麻麻.聽唔得明.
不呢呢..... 導遊個支電筒超勁~ 一照就可以照到上天空. 直頭可以照住個粒星o黎講解o架. ....我冇講大話o架...... 姨甥仲話想買佢支電筒返香港.........點知導遊話要1萬蚊台幣一支喎......嚇屎人.
![]()
睇完就返賓館瞓覺lu, 因為聽日morning call 係 3:30分.
