澎湖本島遊~(北環)
2013年5月7日下午4:38公開累積瀏覽 524 12
2013年4月4日清明節, 澎湖第4天~
Kelly今日放假~我地8點零鐘就出門啦
因為天氣唔好,我地又係開機車, 所以我地都著定輕巧雨衣上路
![]()
揸o左半粒鐘, 吃個美味早餐先~![]()
![]()
左夾夾~(礦肉)![]()
右夾夾 (蛋)![]()
中式漢堡攪掂~!![]()
查實呢個包叫做"元氣包"![]()
(黑白只係包o既顏色)
肯定比漢堡包好味~![]()
網上資料
本島：本島包括馬公市、湖西鄉、中屯島、白沙島和西嶼。馬公機場就坐落在湖西鄉。而本島的環島又可大略以馬公為軸心，往北稱為北環（北部環島）；往南則稱為南環（南部環島）。
▋北環：泛指馬公市以北的景點遊覽；常見的安排包括：中屯風車→澎湖水族館→通樑古榕樹→易家仙人掌冰→跨海大橋→小鯨魚洞→網垵沙灘→螃蟹博物館→二崁古厝→二崁草原→西台古堡→觀音亭夕陽→若有花火節，則繼續在觀音亭賞花火。
南環：泛指馬公市以南的景點遊覽；常見的安排包括：澎湖國家風景區管理處→風櫃→金鎖港小吃→青灣柱狀玄武岩→風櫃聽濤→山水沙灘BBQ。
食飽開車~ 今日往北玩~
冇幾耐就落起雨上o黎..............我地要入涼亭避避雨~
d雨細得o黎又密, 但唔想嘥時間, 落雨都照開車~
第一站~ 通樑古榕"
呢度係白沙島最西端, 建於明代末期的保安宮~![]()
最出名係呢棵大榕樹, 樹齡已有300幾年,氣根多達90幾條,
綠蔭有600餘平方公呎喎, 聽Kelly講, 其實主幹已經瓜柴.![]()
![]()
一棵樹可以生長到咁大咁大咁大~![]()
![]()
![]()
![]()
![]()
廟旁有幾間買手信舖頭
Kelly本身有4個導遊牌但現職唔係導遊, 不過佢老公有做, 所以去到邊,
個個都識佢~ 買o左d螺仔, & 仙人掌肉都唔肯收我地錢~![]()
![]()
呢d就係仙人掌果實啦~ 仙人掌四季開花, 花托膨大後會長出紫紅色的果實,
俗稱"澎湖紅蘋果" (又稱"仙人果")含豐富維他命C
紅d熟d酸d![]()
綠色冇咁酸~![]()
賣相有d似紅色肉的火龍果~ ![]()
有核但對我冇影響 (懶cow食提子, 食西瓜連核食的~![]()
)![]()
酸酸maymay~ 好開胃, 可榨成果汁或製成果醬,雪糕雪條,
又平又好味呀~ 去澎湖一定要試, 我都後悔冇帶D果實返香港,
下次去一定要帶~
食到成條脷紅晒~![]()
睇完古老大榕樹, Kelly帶我轉個彎睇o左間荒廢o左o既大屋~
佢特別之處係大門口上o既排扁,,,係寫英文的.(sorry, 影相唔夠技術,
影唔到個幾隻英文![]()
)你地下次去通梁大榕樹時去睇清楚啦~![]()
Kelly話屋主應該係大富人家~ (其實佢講完詳情我唔記得了~)
![]()
用料靚靚, 呢d漂亮瓷磚當年應該好貴的~![]()
窗o既手工好精緻啊~![]()
![]()
不過已經冇人住啦~![]()
轉個頭又去食仙人掌,, o黎o左澎湖4日, 已經食過仙人掌刨冰, 仙人掌雪糕,
仙人掌雪條, 仙人掌汁, 今日仲食埋仙人掌肉, 跟住落o黎, Kelly帶我食
最正宗o既仙人掌冰喎~ 就係呢檔"易家仙人掌冰", 係通樑大榕樹附近, 快到跨海大橋
![]()
真係好好味~ 好快食完一支~![]()
再買多一支食~![]()
![]()
Kelly話呢檔用o左較多仙人掌肉~![]()
旅遊旺季一定係成團人買o黎食~~~~成個價錢牌列晒出o黎~![]()
![]()
行前少少
呢個都係遊客必到影相景點~ 澎湖跨海大橋~ ![]()
又再天陰陰~![]()
Kelly話冬天澎湖會好大風, 海水都會打上橋~![]()
無幾耐就到螃蟹館, 如果比我揀, 我可能唔會到呢個景點,
不過睇o左又幾唔錯喎~ 當時天氣變得好差, 如果唔係入o左呢個館,
我地一定變落湯雞~![]()
呢個係私人辦的博物館~ 唔係政府攪的~![]()
![]()
![]()
Kelly曾經係呢度做過part time, 所以關於蝦蟹生態都好熟悉,
當日老闆陳先生都係度~ 佢免o左我地入場費~
不過我見到老闆個樣好似苦瓜乾咁, 都唔識笑o既~咪問下Kelly囉,
Kelly話佢細個好窮好窮, 細細個已經半工讀搵錢養家, 之後知道做呢d標本
可以搵錢, 所以佢好努力鑽研,係台灣認第二, 冇人敢認第一![]()
![]()
![]()
蟹平時食得多~估唔到可以當寵物養~
http://youtu.be/hJTcyin6BbQ
![]()
好鬼生猛o架~![]()
呢隻叫角眼沙蟹~ 又名蟹老闆~![]()
真係超多標本~ ![]()
![]()
![]()
![]()
全部都係真蟹做成o既標本~![]()
沙魚咀~![]()
![]()
![]()
cow小強~![]()
最大型o既蟹,,,,都真係幾大喎~![]()
蜘蛛蟹~![]()
原來超大部份的螺都係右旋螺, 左旋螺係好少有o既 ![]()
原來龍宮貝可以好值錢~
![]()
![]()
綿羊蝦~![]()
呢d叫笨蟹~ (老作cow![]()
)![]()
笨蟹movie
![]()
間帶螳螂蝦~ 成隻舞獅咁~
http://youtu.be/QZ99l3HiIH8
唔記得呢款叫咩蝦,,,佢地o既食物就係海星啦~![]()
小丑蝦~
脫穀啊......
原來都有唔少旅行團入o黎參觀啊~ 因為外面落緊大雨,,,
所以我要繼續做遊客~~~![]()
![]()
![]()
螃蟹館對面有一間廟~ 大義宮~
供捧武聖關公, 已經有200多年歷史,
![]()
大義館內有一個地底岩洞, 都唔細, 蓮花許願池仲養o左好幾隻大龜啊~
雨稍為停了~ 呢個時候KELLY叫我等等, 原來佢急CALL
佢個朋友o黎打救我地, 因為KELLY預計稍後天氣都係唔多好.
繼續揸電單車就一定變落湯雞.
我地趁冇乜雨時揸電單車去到澎湖水族館等Kelly朋友~
今日係兒童節, 所以一個小朋友可以勉費帶一個大人,
不過我地冇入去睇啦~~~~~因為館內人多, 同埋仲有好多地方未去~
![]()
我地一邊等一邊食呢d螺仔
雖然得丁屎咁多肉, 但啜下d汁都好好味o架~
終於有私家車坐~ 佢地帶我去o左呢度睇~~~~鯨魚洞 & 小門地質館
係咁易醫下肚仔先~ 秀鳳姐之店
![]()
好入味o既小管~
又啜螺仔肉~
小管麵線~ 正呀~
Kelly識老細, 所以送o左一碟魚仔比我地送啤酒~
海膽炒蛋~
飯後甜品~ 仙人掌冰, 老闆好人, 又醒我仙人掌果肉![]()
醫o左肚就去睇鯨魚洞~實在太大風了~ 我地冇行近睇~
(我緊係想行近d啦,,,佢地兩個唔行嘛~![]()
)![]()
唯有zoom埋去睇~
睇書介紹, 如果潮退時, 洞內可以聽到
潮音起落低迥. ![]()
用珊瑚石圍成的叫做菜宅, 因為澎湖實在好大風,
所以就圍起來檔風種菜囉~
跟住再入地質館睇,,,,不過我都係睇o左唔記得~ ![]()
又冇影相~
![]()
只係影o左呢張~ ![]()
後面張相就係鯨魚洞啦~
![]()
嘩.....呢d係乜植物呢??![]()
![]()
呢一站係.............大菓葉玄武岩區~好似係唯一可以揸車去睇到o既玄武岩
因為日治時期為建造菓葉碼頭開挖石塊才現身.
![]()
沿後面行上去, 可以見到大菓葉碼頭和馬公市區(我冇行啊) ![]()
企係下面人變渺小了~
![]()
呢幾日雖然有落雨, 但雨量唔多,,,,,如果多會好靚o架~
Kelly同佢o既朋友叫我唔好企咁埋, 因為驚落雨後會落石~![]()
![]()
今日最後一站~ 二崁古厝, 全村姓陳~
呢度其實唔細, 不過到步之後雨開始落,
而且又唔夠時間, 所以都係咁易行下o者~![]()
![]()
![]()
![]()
![]()
二崁傳香![]()
對中藥知識熟悉的二崁人, 將就地取材的天人菊,
野艾草及生芙蓉等野生植物, 搓製成柱狀香~即為著名的"二崁傳香"
![]()
柱香燃燒後的香氣唔單止能熏香鎮神,
仲可以驅蚊tim呀~~~~~~~~~~(網上資料![]()
)![]()
越落越大雨~唔走唔得啦~
![]()
晚飯時間到~ (其實只係6點幾咋)
![]()
我地食團體餐~![]()
本來好似係六餸一湯, 當然又係Kelly識人
所以又醒多一碟酸may魚啦~ (我唔知正確餸名啊)
![]()
碗內係螺肉~![]()
聽講呢隻魚,,,要拔300幾條刺至食得~ 好有咬口![]()
南瓜米粉~ 正~![]()
新鮮熱辣的春卷幾時都咁好味~![]()
![]()
貴精不貴多, 一人一隻蝦~![]()
老闆娘醒的酸may魚~ 巧巧味~巧開胃![]()
雖然又係魷魚, 不過一樣咁好味~![]()
蛋炒唔知乜葉~![]()
樣樣都好好味~ 每人只需NT250咋~ (HK$68) 係香港邊度得吖~![]()
![]()
7點幾已經黑麻麻~![]()
係食飯o既時候咁o岩上whatsapp群組,得知得意姐佢地8個登台灣Y線院友,
因為天氣問題提早一天落山,仲諗住後日去台北撞佢地, 比個驚喜佢地
點知提早了, 第一時間諗緊呢段時間,好多熱門民宿已經冇房,
先打去問橙舍, 真係如於我所料冇房~ 極唔願意打去亞羅hostel,
咁o岩老闆聽電話, 知道有房但要盡快確認, 所以同得意姐講了幾通電話.
最後佢地住宿有著落,
我地聽日又可以提早見面啦~![]()
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
