上星期六去o左油麻地百老匯電影中心睇o左場戲,,,,,,
誰調換了我的父親
其實唔係扇情片,
但我又唔知點解睇到流晒眼淚~ :P
恆生咭有9折, 原價65, 折o左58,
其實我唔係想講套戲, 我想講一間麵包店~ 麥田一
之前睇過飲食雜誌有報導過, 麥田一唔用豬油, 自己用酵素做麵包種
我未試過自製麵包, 但係自從有一次係屋企附近街市麵包舖,
買過一袋方包,,,,,,,,,,,放o左成個星期都唔發霉..........我就有d驚,
究竟依家d麵包落o左幾多防瘸劑??
好彩............其實我一個月都冇乜一兩次買麵包做早餐.
頂多一個月一兩次買o黎做下午茶
依家就算自家製麵包都好, 其實好多材料已經一早比人加o左料............雖然我唔識整, 但有睇過有關報導
呢間麥田一話冇用豬油, 用日本麵粉
點都好, 係油麻地睇完戲, 陪朋友行去尖沙咀sogo掃貨, 路經佐敦上海街115號麥田一, 就中o左入去睇下
![]()
嘩~!!好吸引, 唔知點解價錢又唔貴.............
忌廉芝士乾果圈............$18......................小麵包$11/3個
寫呢篇blog, 其實係我第2次買啦, (上星期六買o左, 尋日忍唔住特登係尖沙咀行番去上海街買)
大個個忌廉芝士紅梅包..........第一次買咁o岩新鮮出爐, 好食到一口氣食o左大半個圈,
唔係朋友制止,,,,我估我會一次過食晒, 麵包好重手, 好柔軟, 忌廉芝士又好好味, 再加上紅梅乾,
新鮮熱辣真係正到冇朋友~ 其餘3個麵包仔, 左上角個個唔記得叫乜名, 但係一樣好好味.
(其餘兩個尋晚買仲未食)
總之, 要你地特登去就好似有d過份, 行開油麻地/佐敦/尖沙咀, 我都建議你地去買o黎試下,
尤其係識整麵包o既人士, 食完唔該話我知, 呢間麥田一係咪真係平靚正呀~ ^^
![]()
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
