2013-09-29 個半月前約定今日同3小花行山, 不過最後改為去挪亞方舟
我同大學生都冇宗教信仰, U頭&瘦PO信天主教, 世界大同, 冇乜所謂啦.
去行個圈都好.
正價門票$155, 依家做緊信用咭有85折, 如果上網買, 旺角新世紀廣場上車,
$155包來回車接送, 以為都差不多啦, 原來bee團購包午餐buffet 都只係$249.8咋.....
笨cow又笨一次啦.
星期日頭班車9點半, 回程尾班車18:30, 我地今日坐頭班車~
旺角出發, 真係20分鐘左右就到啦,
我2010年同家姐&熙哥去過一次, 朋友們一次都未去過~
尋晚落得幾大雨, 今日天陰陰, 所以頭班車廿個人都冇,
我地去到邊都好似包晒場咁~
印像最深刻係呢間售賣店裡面o既挪亞方舟o既非賣展品.
仲有呢d動物,
以為係假的, 佢又會同你眨眼, 仲會郁比你睇, 嚇你一跳.
睇完一輪又去o左去花園行下~上次同家姐o黎, 係室內玩太耐,
出到o黎就入唔到公園啦.
行完個圈又入番室內, 呢個摩西好鬼風趣又生鬼~
你仲影?? 都叫你唔好影囉~~~~~~(哈, 係你擺pose比我影咋)
雖然挪亞方舟宗教味都幾重, 但我都覺得值得一遊一睇o既
真係玩乜都唔洗排隊, 呢個遊戲我以前玩過, 諗住4個人齊齊玩,
可惜最後只有我同u頭玩
4條繩只拉一條, 以前玩過, 記得有水, 有波波,
u頭有晒準備, 著住雨褸都夾到實, 萬一拉到水都唔怕濕身,
佢一拉~! 水呀~!
懶醒o既我以為u頭已經拉o左水, 我起碼唔會係水啦, 希望拉到波波,
估唔到一拉, 嘩~ 巧多水呀~ 褲腳和鞋都有濕o左,
個遊戲係要思考人生......往往你諗o既唔係你所想,
有冇準備?? 冇o既, 意料之外你又如何面對?
好彩我都笑看人生o既.....如果唔係,,,只一味向後望都幾慘.
記得第一次o黎有得玩diy, 所以......如果唔知頭唔知路o既人o黎到, 一定以為齋睇冇o野玩
上次整毛巾蛋糕, 今次係整月餅~哈
雖然已經過o左中秋
冇關係,,,,因為唔係食o既~
黏土月餅~磁石
本來係比細路仔玩o既, 所以其實超簡單~
低能cow又整到出晒界啦~ XDDD
唔洗驚一樣咁靚仔~
大家都好成功~
影番張大合照先~ 入場費已經包埋玩, 所以唔玩就笨~
又去o左珍愛地球館, 呢個館就真係比細路仔玩~
我地入去影下相. (記住各房內牆壁都唔比影相o架, 因為知識產權問題)
做賊乎?
大約1點左右就睇晒......(其實可以再慢d慢慢睇, 慢慢玩)
方舟內唯一餐廳,,,,豐盛閣, 飯麵大約$58, 熱飲10蚊, 中西湯都係10蚊~
味道ok, 但唔知點解我碗湯係凍o既.....都未夠2點.........不過我冇叫佢換.
食飽再攞o左d單張睇下................唔貴o者......
影多兩張相就離開挪亞方舟, 因為我地要去馬灣公園呀~
面積好似比挪亞方舟個邊仲要大.
好似幾多活動, 但係冇乜宣傳喎,,,,係咪有點浪費呢?? 宣傳部要打屁股啦.
繼續行山咁行
2011年至開o既太陽館都係屬於挪亞方舟o既,,,,,,,,,,,而且仲有度假營, 可以上網申請
馬灣太陽館(網上資料)
馬灣太陽館面積1,500平方米,樓高36米,是特別設計來觀察太陽表面活動的專用建築物。太陽館的核心裝置為直徑350毫米的真空太陽望遠鏡,配合精密的光譜儀及觀察、紀錄系統,可供教育及研究用途,是亞洲區少數對外開放的民用太陽望遠鏡之一。
太陽館一方面是科技教育和研究的基地,同時也是對公眾開放的科學展覽館和綜合培訓場地。太陽館除了致力推廣太陽及天文知識之外,也期望公眾能夠體驗、反思人與大自然、宇宙的關係,提升對環境的關注。
(馬灣公園太陽館由香港聖公會福利協會營運。)
又有3D電影睇, 關於太陽,,,,,,因為講英文, 睇到我中眼瞓.......Zzzzzzz
不過大學生話冇睇字幕, 佢話好好睇啊.......知識份子真厲害~!
又有亙動遊戲玩~ 唔執輸o既我........緊係玩.......(點解星期日都得咁少人o黎o架??
真係浪費晒成個公園設施)
馬灣其實歷史悠久..........呢間學校改建了為古蹟館
慢慢睇, 其實香港有好多o野睇~
接近尾聲了,,,,仲未睇晒~
如果唔係見到呢兩隻樹熊, 都唔知呢度已經係澳洲園
行埋呢區就走人啦.
呢度有好多後生仔女影相
影婚紗相的熱門景點........又唔執輸~
其實除o左係旺角有專車, 荃灣地鐵站都有巴士搭, 每程10蚊~
班次20~30分鐘一班~
去埋個靚廁所就走人lu~ 未去過挪亞方舟都幾值得去o架,
但唔好用主題公園同佢比喎, 諗住hea行就好啦, 雖然入場費要155蚊~
但錢買唔到悠悠閒呀~
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
香港挪亞方舟
釜山水族館
Thormork 冰島高地
六義園(東京)
中環街市
深圳野生動物園
珠璣巷
數碼廣場