開心反轉愉景灣兩日一夜~~part 1

9月13日星期六,下午一點收工,馬上同老公,悠悠飛的去上環碼頭

求其係碼頭買啲小食上船做午餐

上船馬上開餐,依頭食完個頭就落船,好快

到咗愉景灣,第一時間去搵巴士到酒店

原來有免費巴士往來碼頭同愉景北商場,仲岩岩開車添

上咗巴士,大約十分鐘就到達酒店,先去check in

酒店大堂幾舒適

依個係愉景灣酒店必影裝飾,哈哈

跟住上房參觀下先..藍白佈置我好中意

有茶有咖啡有水

浴室用品有齊,不過老公話唯一唔好係無剃鬚刀



浴缸幾大呀,我同悠悠座落去都仲有空間


仲有浴泡著..悠悠好中意..


有人出浴中~~~~

我地既係山景房,但望住泳池同商場,感覺都幾好呀

參觀完房間,放底行李,正式出發去玩囉~~~

第一站 : 彈彈床...雖然只係個好細既彈床,但悠悠已經玩到唔願走啦

第二站 : 參觀教堂,途經依個玻璃建築,同教堂差唔多Feel,

教堂無得入去睇,但影下外面都唔錯..真係幾靚呢..






第三站 : Kids Room, 有小手工玩,有玩具玩,有卡通片睇,大人細路都岩

第四站 : 座馬車,悠悠好驚馬馬,馬馬都有一陣臭味,

不過正岩,要教下悠悠,動物就係咁架啦,

座馬車,$250,大約十分鐘,沿途我地都係比人參觀影相..哈哈~~~

不過真係幾好feel,係一個唔錯既體驗

座完馬車四點幾,返上房,拎埋啲沙灘玩具,出發去沙灘

一踏出門口遇到酒店免費接駁車,太幸運~~

到咗碼頭,買啲小食,係沙灘只係玩沙,無落水

沙灘今日有個小市集

又有提供啲草做既遮,好正~~

悠悠自己搵玩伴

座係樹陰下,秋風好涼好舒服呀~~~~






玩到差不多天黑,就去食晚餐

今餐慳慳地食麥當當..食完去行下

愉景北商場比較優靜,幾岩情侶尼,好有氣氛..

依啲超市車仔好少見,真係要有咁大間超市先得

超市門外等待主人既小狗狗..好可愛



買啲水果返酒店嘆電視...仲要嘆佢個大浴缸呀...