0

Venchi Chocolate:朱古力 x 雪糕 x 咖啡.滿足3個願望

山區麵包王 於 2014-07-16 00:00:00 發表  |  累積瀏覽 861

分類:甜品 飲品美食 ;地區:中環
一個品牌有百多年歷史,絕非僥倖之事,正所謂創業難,守業更難,成功自有其因素。這日下午,有幸出席Venchi朱古力專門店嘅新概念店開幕活動,讓小弟率先體驗一下佢哋「朱古力 x 咖啡」新概念嘅魅力,因為尖沙咀及灣仔分店一直都喺以賣朱古力及意式雪糕為主,中環新店就兼賣多款咖啡及朱古力飲品。
Venchi創立於1878年,足有136年歷史,憑藉傳統秘方,帶嚟唔少經典嘅朱古力味道,堅持選用純天然質優材料,對品質要求嚴謹,就喺其成功因素之一;又加上不斷嘅創新、研發,至今已有超過250款唔同口味嘅朱古力產品,喺要向前邁進必需嘅元素。
店內有唔少罐裝、紙盒裝、排裝嘅朱古力,更有包裝精緻嘅禮盒裝,稱得上自用送禮皆宜。
此外,店內設有多個朱古力「寶箱」,讓顧客隨喜好挑選,配搭出獨一無二嘅套裝組合,更能迎合至愛嘅口味。而這種Pick & Mix選購模式,以$133 / 100g為定價。 
既然朱古力喺店家嘅招牌出品,先介紹幾款以「麥芽糖醇」製作嘅朱古力系列(Chocolight Collection),據介紹,由於麥芽糖喺從粟米中提煉出嚟,味道跟蔗糖相差無幾,但卡路里卻低於一半,喺專為一眾嗜甜但又怕肥嘅朋友而設,而且,依個系列嘅朱古力含豐富礦物鹽,麥芽糖醇比蔗糖不易被人體吸收消化,故此無咁易令血糖上升,可以讓為食嘅糖尿病患者有個選擇。
「麥芽糖醇」系列味道選擇不少,是日所見8款款式包括:麥芽糖醇牛奶純朱古力、麥芽糖醇54%純朱古力、麥芽糖醇軟心牛奶朱古力、麥芽糖醇54%純黑軟心朱古力、麥芽糖醇75%純黑軟心朱古力、麥芽糖醇榛子蓉牛奶朱古力、麥芽糖醇三層牛奶榛子朱古力、麥芽糖醇原粒榛子朱古力球,濃淡配搭各有不同。小弟未有即時試食,因為仲有好多雪糕及甜品想晌店中享用,朱古力就留待在家中慢慢細味。
bowl麥芽糖醇榛子蓉牛奶朱古力
牛奶朱古力質感好軟滑,初時以為榛子蓉會藏於朱古力中心,原來喺混入晌朱古力內,所以,朱古力帶有盈香嘅榛子味,此外,甜度又確實比一般牛奶朱古力為低,入口一刻唔會有太甜嘅感覺。
bowl麥芽糖醇54%純朱古力
雖然依個系列有75%純朱古力,但54%可可已好夠濃香甘醇,嗒落帶少少甘苦,質感香軟滑溜。
晌店中睇見一櫃雪糕,睇得人心花怒放,店內每日供應12款意式雪糕(Gelato)選擇,有新口味,亦有香港限定,不時換款。意式雪糕較一般雪糕嘅脂肪含量較少,所以,保留柔滑之餘,感覺會輕盈少少,而且,Venchi嘅意式雪糕標明無添加,堅持只使用天然原料,成份100%純天然。再睇睇售價,單球(80g)賣$38,雙球(160g)賣$62,而可揀3款口味嘅窩夫杯(180g)都喺賣$72,訂價具競爭力。
bowl榴槤Durian
榴槤味喺香港限定,暫時只有香港店有售,由於雪糕以榴槤果肉製作,拎上手一刻已有淡淡榴槤香氣,一啖過後一啖,榴槤滋味停不了,因為榴槤味極之濃郁、沉實,再者,雪糕質感綿密細滑,晌盛夏涼住冷氣嘆杯冰凍意式雪糕,仲要喺有驚喜嘅榴槤味,實在無語倫比。
bowl格雷伯爵茶Earl Grey
試過榴槤味,自然更想試試其他口味,一次過點選格雷伯爵茶及芒果味。先講格雷伯爵茶,茶味淡雅清幽,伯爵茶味隨柔滑嘅雪糕慢慢滲出,而且,雪糕內混雜埋細碎嘅伯爵茶葉,感覺挺特別。

bowl芒果Mango
生果味雪糕一向頗受人歡迎,尤其晌夏天,席間聽到唔少人盛讚西瓜味,不過,小弟就想試一試芒果味。鮮黃色嘅雪糕份外搶眼,將一小羹雪糕放入口,芒果味濃香甜蜜,鮮活跳脫,加上脂肪少用料天然,實在健康可口。
格雷伯爵茶Earl Grey(上)、芒果Mango(下)
除意式雪糕外,仲有多款特製甜品,如Affogato IA Caffe、Chocolate MilleVoglie Cake、Hazelnut MilleVoglie Cake with Gelato……等等。
bowlAffogato IA Caffe $56
初時睇啲介紹牌以為喺飲品,因為造型實在太似杯飲品,實際店方定性為「甜品」。單睇賣相,相當吸引,3層嘅成份由下而上喺開心果雪糕(可自選其他口味,不過,並唔喺款款口味都適合)、意大利濃縮咖啡及鮮奶咖啡,再以忌廉及朱古力粒做裝飾。因為開心果雪糕跟熱辣辣特濃咖啡溶和好快,基本上食唔到咩開心果味,口感亦變為奶昔;由於忌廉頗多,溝進咖啡內亦溶唔透,味道只喺一般般,最後,我都喺認為佢似杯嘢食。
bowlVenchi Cioccolato $32
店內另一招牌作就喺熱朱古力,厚身濃郁嘅喺85% Venchi Cioccolato($32),而加入牛奶就成為香滑嘅Hot Chocolate($38/short,$45/tall,$48/iced)。Venchi Cioccolato果然名不虛傳,質感醇厚杰身,朱古力超濃郁,可以講喺一小杯純朱古力漿,晌口腔內甘醇嘅香味在悠轉,相信秋冬嚟再飲,更別有一番滋味。
感謝公關邀請,讓小弟一次過體驗依次朱古力 x 雪糕 x 咖啡之旅,可謂一次滿足了3個願望,當中唔單只品嚐百年老店嘅味道,更對此品牌有更多一層嘅認識。

個人評分
味道:9/10
環境:8/10
服務:8/10
抵食:8/10
平均每人消費:HK$0(試食邀請)

餐廳資料:
Venchi Chocolate
中環士丹利街地下21號
2868 0336


=============================================

感謝 山區麵包王 提供以上資料

山區麵包王的網誌: http://garycwm.blogspot.hk/


=============================================

鐘意SeeWide的分享,給我們一個Like吧!
  • 攻略日期:N/A
    攻略地點:中環
  • 攻略時間:N/A
    是次消費:N/A
0人比"掂"
  • 特搜總編E 於2014-11-21 18:46:11 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.1

最多能輸入300字

累積瀏覽 1185173

全部攻略 1025

全部回應 146