2-6-2014 (農曆五月初五)
噚晚釣金古釣到欲罷不能,今晚又去做佢世界;18:00落到主場,開好竿,落咗餌就坐定定等泥鯭收口,19:00太陽一收金古嘅魚訊就黎喇,跟住連中三元,有條都有十両,今季算大架喇!釣完呢三條D金古又收哂口喎;過咗成兩個鐘,一路我都係將餌放三四潯,試吓將D餌放兩潯睇有冇魚至得,一落餌就有魚接,哈哈!呢個改變係冇錯嘅,仲食得好狠添喎!食咗幾吓就成枝竿都比佢拉到彎哂,一抽就中,上黎都係十両左右嘅金古,唔錯,跟住連起多三條,一樣係食得好狼屎,有一口仲食到竿頭都彈起添,好奈未試過釣得咁過引,一路釣到23:00就真係收哂口喇,有魚留番聽日釣,執埋D架生走人去宵夜喇!
今晚D金古就大番D喇。
D金古釣極都有。
感謝 白果魚神 提供以上資料
白果魚神的網誌: http://a991952.blogspot.hk/