11-3-2014 （第九日）
今日晏晝會搭阿聨酋航机番香港，未上机前都仲有Ｄ景點同節目嘅！
早上食過早餐。
![]()
執好行裝，上車準備出發。
葡萄牙國旗。
上車出發第一個景點「貝倫塔」。
呢Ｄ唔知係米古時高架引水道黎嘅呢？
好快到咗景點「貝倫塔」，呢座塔最特別嘅地方，係佢有一半喺伸咗出海架。
落車行過去欣賞吓呢座塔先。
睇完個塔，再行過少少睇埋個「航海家紀念碑」先。
有Ｄ攤檔售賣紀念品（代表葡萄牙嘅雄雞）。
嗯！老爺飛机都有架喺度嘅！
呢個就係「航海家紀念碑」。
又夠鐘到集合點上車喇。
趁大人同班老友行咗過去上車，我就嗱嗱聲走過去睇人釣魚。
咁都過引嘅，冇人同我影，唯有玩自拍。
跟住跑番上車，出發去食葡撻。
呢間葡撻店係喺1837年就開店架喇，咁米成一百七十幾年歷史，犀利。
咁就值得影番幾幅相囉。
Ｄ葡撻賣相又幾靚喎！
領隊同我地買咗Ｄ葡撻，一陣番車先食。
跟住行過去參觀「吉隆尼摩斯修道院」。
人多到要排隊入場，我驚唔夠時間，都係喺外面參觀吓就算。
參觀完「吉隆尼摩斯修道院」，過番去集合點食葡撻。
Ｄ葡撻同我地喺香港果Ｄ冇乜大分別，只係個皮比較鬆化Ｄ啫。
食完葡撻就上車往机場。
交通一路都好暢順，準時到逹机場。
仲有時間行免稅店添。
候机室等上机。
嗱！唔好影我呀～
登机喇。
航班準時起飛，先飛廸拜。
食兩個餐，睇兩套戲，又到迪拜。
12-3-2014 (第十日)
喺廸拜轉机番香港。
上机繼續睇戲食餐。
話咁快就番到香港喇，搭机場巴士番到屋企都係五點幾咋。
後記：今次嘅旅程都幾舒雙服，唔使一早起身，食住都算唔錯，尤其係西餐，比我意想不到咁好食，旅遊巴又大又新，坐得好舒適，最後又要讚吓個領隊「劉小姐」喇，佢服務態度好，夠專業，新華領隊除咗小新，第二就係佢咧，今次比85分。
感謝 白果魚神 提供以上資料
白果魚神的網誌: http://a991952.blogspot.hk/
