馬年《年初一至四》之快樂事
31 JAN - 3 FEB,2014
雖然過左, 不過我都想記得, 今個新年, 我好幸福地做一位太太, 可以專心去安排新年的一切 ! 感覺沒有工作, 更忙 ! 忙著準備大小事, 今年喜事又特別多, 我地溫太又添一員, 哈哈 ! 係嫂子的~~ 岩岩出世就到新年喇~~ 好開心呀 ! 又熱鬧D~ 而我就仲養身同埋要廋身, 呢加養身、廋身都夠我忙~ 因為又跳舞又睇中醫~ 無時停呀 ! 繼續祝我明天添丁啦 ! 哈哈哈 ! :)
《年初一》
今年年初一溫家總動員都上左黎我地屋企, 我當然要準備好食物招待各位, 所以我成個朝早都好忙, 忙到都無出過廳~ 係影大合照出去影左陣相~ 哈哈 ! 夜D就去返嫂子屋企打邊爐, 一家人圍埋一齊食~~ 仲有同BB囡玩下影下相~ 岩岩出世幾日同呢加唔同哂樣LU~ BB真係大得快 ! 食完飯我地就落外家派利是喇 ! 實在是很忙 !
因為每年年初一都會有抽利是環節 ! 今年有人抽到兩封$20, 哈哈哈 ! 就係大細佬喇 ! 見佢咁慘俾佢抽多封, 點知係$1000 ! 哇 ! 其實另外兩位已經係抽到其中一封$500, 話要公平一人三封 ! 嘩 ! 佢地就好開心囉~~~~ 哈哈哈 ! 每年人性真面目大公開~ 哈哈哈 ! 真係好好笑架~~ 至在大家開心呀 ! :) 新年快樂~人人馬到功成 !
《年初二》
年初二又係到黃家拜年, 大家都返齊黎食飯 :) 夜晚係食開年飯, 無記錯呢日係全日打麻雀 ! 無停過地打 ! 哈哈哈 ! 同埋BIGGER生日 ! 祝她生日快樂 ! 快D嫁得出 ! 哈哈哈 ! 開心開心~
《年初三》
赤口~ 其實我地就無咩理赤口唔拜年~ 不過就咁岩大家得閒, 決定一齊去睇戲~~ 新年一定要睇發哥啦~~ 賭城風雲~~雖然老左, 都仲係好型~~ 哈哈 ! 夜晚就我班好姐妹上黎拜年呀 ! 拎哂我屋企D裝飾黎影相 ! 哈哈哈 ! 實在太開心 ~ :)
《年初四》
又係我地處女座朋友約會既時間喇 ! 新年最開心就係見齊D朋友 ! 雖然忙D~ 不過都係好開心既~ 今日我地又去左食AVA BUFFET~ 不過差左, 唔會再去喇 ! 今日拉埋BILLY一齊~ 哈哈 ! 時間真係過得快~ 上年仲係公司派緊利是~哈哈 ! 跟住返黃家, 因為我好姐妹上黎黃爸媽度拜年~ 傾下講下又一晚~~ 今個馬年個頭好得特別開心呀~ 今年一定要笑口常開呀 ! 正能量多DD ! 加油 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
