0

升級版 - 蘋果雪梨極潤茶

Mary 於 2013-11-04 19:39:45 發表  |  累積瀏覽 731

分類:飲品

成個禮拜都無update個blog, 實在太唔似樣啦!因為感冒一路都唔好, 之前比老公傳染, 佢就好返時, 又輪到我傳染返比佢, 大家好似交波咁, 幾sweet!haha..下次佢一病一定要恨下心腸分房訓, 因為我呢個一家之"煮"病咗, 大家都會無啖好食呢!醫生的藥講明眼訓, 整個星期都好似好迷幻咁渡過, 坐在office中, 覺得自己好似鬼魂一樣飄來飄去...估唔到好多年都無感冒過, 今次一嚟就成個禮拜!
早排濕度得返三十幾, 痴鬼線!我個鼻乾到呢就黎流鼻血咁,個身又乾到痕, 最難頂係掂咩都有靜電,連掂我心愛既dingding都睇我唔起, 雞飛狗走, 因為我一惦佢就電到佢唔耐煩..鳴鳴!
忍無可忍, 要煲返d嘢潤一潤, 今次呢個茶係base on上次個蘋果雪梨桑葉川貝甜湯但今次太乾所以落重料!
上次 : 蘋果,雪梨,桑葉,雪梨乾,乾海底椰,百合,南北杏,玉竹片,川貝,蜜棗,無花果
今次 : 材料照上面一樣, 分別係, 無花果我用咗土耳其大個無花果。亦因為咁, 係絕對唔洗下糖, 太甜啦!
再加咗一枝天山雪蓮
凍水落, 我中意放晒料先加水, 唔洗彈到周身都係。

水滾後,較細火煲兩粒鐘, 兩粒鐘後將所有料拎走,加入已發浸咗既珊瑚草, 又名海燕窩, 咩功效上網查啦, 總之就潤嘢,閂蓋煲多15分鐘。 拎起其他料因為d珊瑚草會溶, 費事溶晒落d料度浪費晒!不過我攪笑唔記得用魚料盛料, 唔方便lor!
講開又講, 呢隻珊瑚草我買$40/兩, 當然可能會有d平d既!但阿媽響美國買返黎比我, 我唸有一斤, 都係十幾蚊美金, 所以如有朋友去旅行, 不妨可以拜托入貨呢!所以過幾個月阿媽返, 我都要叫佢大手入呢...hahha...Thanks mom!

今次呢個升級版真唔講得笑, 我飲咗兩杯, 第二日起身, 鼻無乾, 身無痕, 無靜電,值得推介比大家呢!!(又似賣廣告)



感謝 Mary 提供以上資料

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • 特搜總編E 於2014-01-27 12:22:16 留言
    恭喜!經過「SeeWide評審團」一致通過,你的發佈已被選為推薦攻略!你將獲得200經驗值作獎勵!另外,經過我們悉心細選,你的發佈被刊登在SeeWide首頁的置頂"冬季限定"中,還不趕快去看看!
  • 舉報 回覆
  • No.1

最多能輸入300字

見習探險員
簡介:
83
2013

累積瀏覽 48296

全部攻略 83

全部回應 4