Hello !
上回講到食完個自助晚餐 , 差唔多夠鐘參觀 水の教会 .
埋單後過另一邊排隊 , 嘩 ~ 已經有成大棚人排緊架拿 , 仲不停有人加入 ,
再遲D就要排隊尾 , 於是乎急急腳過去排隊 .
後面有成村人排緊 , 前面又有一村人 , 認真唔簡單 .
如果冇估錯 , 佢地應該係 台灣旅行團 , 全部都係講國語 .
上篇咪話呢度好勁既 , 點勁法 ? 勁到連台灣女星 蘇慧倫 都要響度舉辦婚禮 .
我諗呢個亦都係 台灣旅行團 慕名而來既理由之一 .
如果有興趣 , 可以 Click 入下面網頁重溫當日新聞 .
等左一陣 , 終於夠鐘入場 , 搭電梯落到地下出外面跟大隊行 .
經過兜兜轉轉之後 , 到達呢個 水の教会 .
所有人既目的只有一個 , 就係不斷向住十字架果邊影相 .
與其話 水の教会 , 不如話 龍友大會 好過 . haha ...
等我都黎襯下熱鬧 , 不過講明先 , 夜景一向係我弱項 .
擺得上黎既 , 已經叫做水準之上 , 有好多鬆郁蒙既都收起 .
真係好熱鬧架 , Yeah !!
用多角度黎影多幾張 , 先黎側面 .
跟住移向中間 .
唔講唔知 , 呢個位都要打餐飽先霸到 , 影一陣就要讓位 .
不斷咁影 , 影到夠晒皮 , 出外面再黎 .
四個方向都有十字架 , 咁就遠一遠都睇到啦 .
以冇腳架黎計 , 呢張已經係我既極限 , 真係獻醜 . XD
大部份人已經散場 , 有D都仲影緊 .
如果冬天黎既話 , 可能更加好景 .
黎多張最後一擊 .
Bye Bye 喇 , 水の教会 .
呢張咁正 ? 當然唔係出自我既手筆啦 , 只係影牆上既壁畫咋 .
散場咯 , 冇晒人喇 .
跟住又發生失策事件 , 話說當日不停咁影相 ,
影到過晒鐘 , 連 木林の湯 既入場時間都 Miss 左 , 失敗 !
果度既入場時間係 12:00〜23:00 (最終受付22:00)
我返到房都已經係 21:55 , 點都趕唔切佢既最終受付 . >_< !!
張入場券只能留為紀念 .
既然冇溫泉浸 , 唯有浸浴缸 , 再上多陣網 . (房裡有wifi)
睇多陣電視就訓覺 , 第7日完 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
