星之旅CHAPTER 3 : 向著被FAKE的102cm進發のLEGOLAND 3D2N行

SUMMER TRIP重點BLOG!!!!

真係好矛盾!!!!!好想快D寫，分享下旅遊真樂趣

但係又好抗拒寫，因為真係好多相!!!!!

我要反覆睇好多次先落到筆!!!!
(可以話係我自己寫BLOG史上最難寫嘅一篇，嗚。。嗚。。嗚)

要寫LEGOLAND BLOG，首先要從去LEGOLAND嘅路程開始寫

呢樣亦都係我最想同準備由SNG去LEGOLAND嘅朋友分享嘅一件事

我地BOOK嘅SUMMER TRIP PACKAGE已包括來回LEGOLAND旅遊巴車程

過程是這樣的。。。

首先會有旅遊巴一大清早去各酒店接旅客

來自5湖4海酒店嘅旅遊巴就會去到SNG FLYER(即大大摩天輪)集合&落客

旅客落車之後就喺同一位置等上去LEGOLAND嘅旅遊巴
所以BOOK PACKAGE時記住留意LEGOLAND旅巴時間!!!!!!!

由SNG去LEGOLAND需要過兩個關口(出境SNG & 入境MAL)

值得一提就係搭旅巴過關

BOTH 星+坡關口&馬來西亞關口都需要自行落車&上車過關

而且馬來西亞關口更加要拎唒所有行李落車過關!!!!!!!

本人係極度不滿意呢個往返LEGOLAND嘅方法

如果你會帶住小朋友，更加強烈不建議用呢個方法!!!!!

大家睇睇以下呢張相就知我講乜

由SNG去LEGOLAND大約1.5 TO 2小時車程

小朋友喺車程中瞓覺係好正常嘅事


簡直係搵自己笨嘅行為!!!!!

所以大家所見以上張相，係回程時，我地另外BOOK咗架車返SNG
全程車上過關，野人鍾意點瞓都得 :)

BOOK車單程SNG$70 (~HKD$420)，絕對VALUE!!!!!!

P.S.題外話，好似 7人車以上都要落車過關，大家可唔可以幫我求證下???

好彩，去LEGOLAND嗰程車，野人實在太興奮

冇乜點瞓，所以過關唔算太狼狽 :)

仲記唔記得我寫一大清早就要喺酒店上旅遊巴呀????

到達LEGOLAND HOTEL大約11點，仲未可以CHECK-IN


所以先去醫咗個肚。。。


餐廳MEUN好特別，係特別冇嘢揀呀!!!!哈哈哈哈~~~~

記得就應該係得NUGGET，GRILL CHICKEN，FRIED CHICKEN揀

唔同配搭只係單叫、大人SET 或小童SET

喺度做嘢D人好呀，唔使咁有記性，WAKAKAKAKA!!!!!

餐廳有3個STAFF不斷LIVE唱歌，佢地去到邊張檯就邊檯人點唱

呢期小朋友熱唱榜當然係FROZEN嘅LET IT GO啦 :)

識唱LET IT GO唔出奇，奇就奇在佢地連"浪奔、浪流"嘅上海灘都識唱

真係佩服!!!!!!WAKAKAKAKAKA

食飽飽，終於會合到第一個FAMILY – 哲家喇，YEAH!!!!!

GORGOR玩到鞋都甩!!!!!


3隻嘢就咁玩呢個HEA HEA PLAYGROUND都玩到好HAPPY

我就同好耐冇見嘅CUTE CUTE哲弟增進下感情

齊人喇。齊人喇。維維都到喇 :)
呢5個友仔真係好騎呢@@


第一個玩嘅GAME就係男孩至愛嘅DRIVING SCHOOL喇

DRIVING前，每位小孩都會被邀請影一張相

影完就會有張黃色紙


喺張黃色紙寫少少個人資料 + MAL$25 (~HKD$50)

就可以得到小朋友獨有嘅DRIVING LICENSE喇

4個友仔都有整到自己嘅DRIVING LICENSE，其中以哲哲張相影得最CHOK!!!

DRIVING SCHOOL分兩個 – 細細路版 & 大細路版


都話小孩夠102cm高就會多d嘢玩

所以野人自知道去LEGOLAND之後，每日都向著102cm呢個目標進發

但喺LEGOLAND，我真係唔見有咩102cm嘅限制囉!!!!

最多都只係有一個SORCERER過山車，高度要100cm以上先玩得!!!!
(呢個咁嘅過山車，差D CHOK死我，仲要玩兩次!!!!又係差D腰骨都俾埋佢!!!!)
有圖有真相，好似DRIVING SCHOOL，都係得年齡限制

細細路版for 3-5歲


大細路版就for over6歲 (5至6歲，我唔知可以玩乜?!WAKAKAKA)


哲弟未夠3歲冇得參與。。。

其餘4位。。。DRIVING START!!!!
因為佢地好鍾意將個軑兩邊狂扭!!!!
但今次佢地又異常冷靜，揸得出奇地好喎~~~~讚!!!

DRIVING呢D只FOR小孩嘅玩意，我地大人就最APPRICIATE喇，嘻嘻

但當然甜頭嘅嘢唔係經常有!!!!

先甜之後就係苦喇!!!!!

以下呢個消防救火GAME，平時唔太好體能嘅，真係唔好玩

首先用"勞力"一齊將架車PUMP過對面火場

再用"勞力"PUMP水救火

救火後，仲要"PUMP"番架車返原位!!!!!!!

玩遊戲呢樣嘢，一定係投入先好玩

陪得小朋友去玩，我當然200%投入!!!!

所以玩完嗰刻，我係喘唒氣咁走!!!!!

玩到咁喘，要去消防對面嘅飛機坐坐抖抖。。。

抖一抖，充滿力量，向下一個GAME進發。。。

喺LEGOLAND玩其實都OK舒服

唔係太多人，樣樣嘢都唔使排好耐隊

最耐嘅一個都算係LEGOLAND EXPRESS

好似都等咗20分鐘，不過傾下講下餵下雀仔，時間好快過

火車經過DRIVING SCHOOL位置，野人好興奮!!!!

LEGOLAND入面嘅玩意，我覺得都幾BOYLISH

揸車之外，又有得揸船，又有得騎馬

好鍾意哲弟個樣，唔知咩事俾人"的"咗上船樣!!!!WAKAKAKA

LEGOLAND同其他主題樂園唔同&最吸引之處

當然係咩都揾LEGO砌成啦

如果你小時候好鍾意砌LEGO，一定會好鍾意LEGOLAND嘅所有裝飾

你睇，曬到咁都要繼續欣賞，就知D LEGO砌得有幾吸引

我同GORGOR當然唔放過"交戲"嘅機會啦。。。WAKAKAKA

DIDI呢期愛攝影，有樣有姿勢，睇落幾PROFESSIONAL，嘻嘻


野人自喺長隆玩過小孩跳樓機之後就深深愛上喇

就咁睇佢地兩個個癲樣，真係誤以為好刺激，升到天咁高!!!!

但係睇番個跳樓機嘅高度真係好好笑 WAKAKAKA

哲哲，放鬆D，嘻嘻


不過可能其實哲哲成熟過野人，所以先識驚

好似我而家老咗，都唔係太敢玩過山車之類嘅刺激嘢

不過今次咁啱有哲爸&維爸陪(虎爸畏高，從來唔玩機動遊戲-__-)

我地2男1女就去咗玩LEGOLAND入面

極罕有嘅"大人"過山車(好似得兩款)。。。

我地兩男一女"刺激"完，會合番所有人去IMAGINATION LAND

IMAGINATION LAND入面有個PLAYTOWN

都啱一D年紀比較少嘅小朋友(2、3歲)玩

野人話呢個係TIGER CAGE，要我扮餵老虎，WAKAKAKA

5隻男孩玩得最耐就係呢度!!!!!!

事關入面有架小小火車，記憶之中。。。

斷斷續續好似轉咗20個圈都有!!!!!


轉到我殘之後，終於大顆兒離開去醫肚。。。

由於我地買嘅LEGOLAND PACKAGE
即係喺指定兩日內，可以無限進出LEGOLAND & LEGOLAND WATERPARK

所以DAY 2 @ LEGOLAND見仲有時間

我地一家再入LEGOLAND玩番DAY 1野人好鍾意玩嘅嘢，YEAH!!!!

DAY 1排好長龍嘅火車，DAY 2人影都冇隻

可能因為就快到休館時間 :)


因為冇乜人，GORGOR可以揀佢最想坐嘅最後位置~~~~好遠呀~~~~哈哈~~~

DAY 2 最大最大嘅BONUS莫過於野人有機會玩大細路版嘅揸車GAME!!!!


事緣虎爸無意中見到有個都係矮矮地嘅小孩報稱6歲都入咗去玩
我地就跟風，膽粗粗試試
其實個職員都有懷疑嘅。。。但我地以快打慢咁講咗
"THEY ARE TWINS, SO A BIT SHORTER"



咁高興玩完揸車，又係時候俾機會我影下3B MaMa Kidswear嘅相!!!呵呵~~~

其實我覺得野人可以玩埋嗰個大細路版揸車GAME
呢個LEGOLAND之行真係好完滿 :)
即刻可以同LEGOLAND講BYEBYE，哈哈哈哈~~~~

跳嘅跳得好，但影嘅就影到。。。-__-

============================================

感謝 3BMaMa 提供以上資料

3BMaMa的網誌: http://www.bbbmama.blogspot.hk/

============================================