好多同我一齊成長嘅朋友
聽到我話野人今年生日就4歲人仔都難以置信
無他嘅，我D朋友都係接受唔到自己又老咗4年!!!!嘩哈哈~~~
不過講真丫，每次我同新認識嘅朋友講自己有兩個4歲嘅仔
都覺得好AMAZING!!!!!!
![]()
今年野人生日係星期六，所以咁啱可以係正日同佢地搞生日會
本來打算咁樣就可以少寫一篇BLOG
生日+生日會一篇過搞掂唒，YEAH!!!!
但好衰唔衰，每年野人生日前夕，我自己有個習慣。。。
就係回顧一下野人所有生日BLOGsss+重要MILESTONE嘅BLOGssss
睇睇下，都係犯賤地覺得要寫一寫關於4歲人仔嘅野人 (驚老左好多嘢唔記得)
寫多篇BLOG真係堅搵自己黎搞!!!!幾短嘅BLOG都要時間寫
同我CLOSE嘅朋友仔都知我好夜瞓!!!
事實並唔係我需要比常人瞓得少咁勁 (我都好瞓得!!)
只係我覺得LIFE IS TOO SHORT TO HAVE TOO MUCH SLEEP :P
而且當我睇返野人生日BLOGsss
我都好慶幸自己每一年都有為佢地作了一點點成長紀錄 :)
1歲生日。。。
由麵糰變人型
但仍然呆、見到陌生人會喊、未識企行、未識講嘢、未有牙、只識爬
2歲生日。。。
識行、識走、識講單字、識跟人講嘢，無限量食大人嘢 (嘻嘻)
3歲生日。。。
經歷海綿期後，一般生活技能已經學會 (食飯、除著褲、如廁等等。。。)
獨立說話能力 (唔再跟人口水尾，只是偶然有點口快過腦，出現語塞)
4歲生日。。。
說話能力強(駁咀能力都強)
經常無無聊聊問我同音字詞語有咩分別 (其實一丁點關係都冇!!!)
游水 VS 冇水
拖車 VS 拖鞋
想像/聯想力都強，經常將完全冇關係嘅嘢扯埋一齊講
所以兩隻野好多爆笑對話!!!!!!
獨立能力都提高不少，自己嘅事鍾意自己做，唔鍾意我地大人插手/干涉
好高興見到野人兩個極速成長咁多
另一樣令我更高興。。。而且對我黎講亦係一個BONUS
就係兩兄弟嘅感情愈來愈好!!!!!!!
兄弟感情好並不是必然，而且並不只於由第3者(父母)可以教育/插手出來嘅效果
自然培養出來才是最真實 :)
在這個任何事都要"贏在起跑線"嘅年代
唔想自己/野人慢慢都會被這洪流影響
希望仍然可以站穩自己嘅價值觀
我們這一家特別培養野人"與世無爭"之態度
縱然自己到現在都未必將這個價值觀做到最好，仍然會有比較嘅時候
但好相信如果成功做到這一點，野人嘅人生一定會輕鬆一點
要知道，成功並不是單靠競爭、比較而得來的
本著基督"愛人如己"精神，繼續好好教養同理心
所以今年都將這個同理心活出來
幫野人JOIN咗"UNICEF – I DONATE MY BIRTHDAY"計劃
希望大家將買禮物送俾野人嘅錢捐俾有需要嘅人
藉此教導野人在自己幸福嘅同時，想想別人是否同樣咁幸福 :)
P.S.好多謝各位好朋友嘅捐助，是次總共籌得HKD$3350 THANK YOU
代受惠小朋友多謝您地每一個嘅愛心
我肯定您地呢排個個都靚女靚仔咗，有愛心嘅人，樣衰極有限:P
![]()
另外，好多謝各位大朋友小朋友送俾野人嘅生日禮物
你地對野人厚厚嘅愛，在我眼中，一定重要過眼前嘅禮物 :)
![]()
4年來，都係向著"與世無爭"及"同理心"呢兩個方向教育野人
希望往後日子仍然堅持理念，成為神嘅好管家
今年確實冇上年咁多時間，可以造一段VIDEO紀錄野人成長
但相信呢篇BLOG足以令我老來好好回味，嘻嘻
而家就俾機會自己+睇住野人大嘅朋友仔再次回味下上年個VIDEO啦
呵~~~呵~~~呵~~~呵~~~
============================================
感謝 3BMaMa 提供以上資料
3BMaMa的網誌: http://www.bbbmama.blogspot.hk/
============================================
