2

京都二條城 與 奈良看小鹿

平凡人 於 2014-09-19 00:45:00 發表  |  累積瀏覽 836

分類:長線旅遊 特色景點 古蹟 公園 ;地區:京都,其他

 < 大阪﹑京都6天遊 >


第五天(續)

離開二條站就全速向目標前進,我既目標係「二條城」;原本以為二條站應該都近二條城,但二條城出入口係東邊,由西邊既二條站行去大約1.2公里,話遠又唔算遠近又唔係近,行過去約15-20分鐘;去二條城最方便就係坐地鐵到「二條城前站」落車,既然我冇坐地鐵就要努力行啦;一出火車站向正前方出發


沿途行得好舒服




路過一個公園,小橋流水,環境唔錯


轉出二條城旁邊馬路,二條城就係眼前,不過只得東面一個出入口,仲要繼續沿外圍行


二條城外面有護城河保護,就好似皇宮一樣,不過我對日本歷史冇認識,完全唔知二條城係咩地方,只係知道二條城係京都好出名




去到入口啦,二條城門票600円;去得多大陸地方之後覺得日本既門票真係好平,貴為世界文化遺產都收咁便宜價錢,唔知有冇野好睇呢?


走過護城河正式進入二條城




「元離宮二條城(俗稱二條城)原為織田信長所建,後為豐臣秀吉所繼承,因戰亂而毀。現存的二條城是1601年(日本慶長6年)徳川家康作為保衛京都御所(皇宮)以及提供德川家族上洛時的住宿而重建,至今已有400年歷史。1866年(日本慶應2年)第15代將軍徳川慶喜在二條城就任將軍職,但是在隔年的1867年徳川慶喜在二條城的二之丸御殿發表大政奉還,結束了持續300多年的徳川幕府。」


講真...我對日本歷史冇咩興趣,又織田信長又豐臣秀吉又徳川家康真係唔知邊個打邊個,對日本歷史既認識只限當年會歷史科入面既日本史部份,而且當年見到D日本人英文名又難讀又難串,所以一早放棄唔做有關日本史問題亦都冇溫習呢部分,所以對日本歷史真係冇認識,今次來到二條城係因為二條城既名氣,仲有想睇下日本古代既宮廷建築




大門上有少少似日本武士既頭盔


裝飾好精緻,門上貼有金箔,如果係陽光照射之下就會閃閃發光


門上面仲有龍、鶴等等吉祥動物裝飾;連龍都敢用,唔怪得徳川家康咁有野心,要凌駕係天皇之上




二條城入面其中一個最重要既地方「二之丸御殿」;進入二之丸御殿要先除鞋,穿著拖鞋先可以進入;入面有好多房間,亦都有好多好靚既壁畫,但為左保護壁畫所以入面好黑,唔係好睇得清楚;去到每一個重要地方都會有語音介紹,如果識聽日文就好啦...好彩都有英文指示牌介紹,最少知道個個係咩地方


「二之丸御殿的「大廣間」有四個房間。其中一之間與二之間是正式會見將軍的地方。大廣間也是第15代將軍徳川慶喜昭集重要幹部發表大政奉還的房間。現在這裡擺設人偶,重現當時的情景。二之丸御殿裡有3千以上的壁畫,其中954畫被指定為重要文化遺產。圖畫有國寶松、老鷹、鳥等,全是由當時的幕府畫師狩野探幽為首的狩野派所畫。天花板上也有花等雕刻,富麗堂皇。行走在二之丸御殿內部時,地板會傳來一陣陣的「唧唧」聲。這個稱為「鶯聲地板」的地板用於防範刺客,在地板下方以釘子與鐵片組成特殊結構,只要有人踏上地板就會發出聲音。」

入面唔可以影相,我都好聽話冇影,雖然睇完都係唔知頭唔知路,但而家起碼對當時將軍住既地方有個概念


二之丸御殿外面








二之丸庭園


「作為池泉回游式庭園的二之丸庭園,被認為是表示了神泉蓬萊之世界的庭園,所以又被稱為八陣之庭。庭園由複雜形狀的池,大小石頭所組成,擁有獨特的風格。」









離開二之丸庭園,遊人比較少,天氣又大風又凍而且天陰陰,係呢D空曠地方更加凍




城入面有個櫻花園,而家當然冇櫻花睇,我諗開滿櫻花一定好靚好靚


四圍都有好靚既花園


尚有一點點紅色,感受到一點點秋意








遠處仲有高大既紅葉樹








點解城入面都有條護城河圍住一個小城既?


好多小鴨


有條橋bor,過橋睇下先


再進入城牆


「本丸御殿建於1847年(日本弘化4年),起先作為京都御所的桂宮御殿,於1893年(日本明治26年)移築到此。本丸御殿被指定為重要文化遺產,除了春季與秋季的公開期間以外内部不公開參觀。」

原來呢道就係二條城另一個重要既地方 -- 本丸御殿


再前行就係天守閣,但係天守閣已經係1750年被雷砍中而起火燒毀,一直都冇再重建,而家見到既天守閣只係一個遺址,真可惜......


天守閣雖然冇左,不過呢個位居高臨下,睇風景絕對一流






望見本丸御殿四周都被花草樹木包圍,環境真係好靚






加多少少紅色,感覺上又再靚D




好開心可以係陽光之下欣賞美麗風景,但遠處已經烏雲密佈,又係時候離開啦


經過本丸庭園


呢個就係本丸正門


離開本丸範圍啦






我以為二條城西門可以離開,但原來只有東門先係出入口,又要山長水遠行返過去東門走








好彩沿路都有靚景,慢慢行好舒服




就到門口啦!出口旁邊有小賣部同記念品店,即刻衝入去暖暖先


竟然有二條城限定商品


好快就行完二條城,其實行完之後都唔係太清楚二條城歷史背景或相關既野,但作為睇風景﹑建築﹑古蹟,我係二條城又睇得幾開心,所以呢道都係一個唔錯既地方;參觀完二條城就要行返去JR站


如果想認識二條城,可以上二條城網站慢慢睇
http://www.city.kyoto.jp/bunshi/nijojo/index.html

一路沿大街返去,好好彩又比我遇到間郵局,又可以買郵票


再次返到京都站,但又再次離開京都lu;京都風景真係好吸引,有靚景有靚建築,再加上一流環境,係到玩多幾日都唔會悶,只不過美景太多而時間太少,我對京都既認識只係好少好少,期望將來有一日我再可以踏足呢個美麗的京都




向奈良出發!一睇就知左邊係普通列車而右邊係快速列車,我當然去坐快速列車啦


咁大隻鹿仔係車頭就知一定唔會搭錯車


係車上見到就快日落啦,好似早左少少bor


京都去奈良之間好多都係鄉村地方,可以見到好靚既農村美景;有時候列車會係民居之間穿過,好刺激,哈哈!係車上雖然覺得好眼訓,但為左睇風景點都唔可以比自己訓著






一路望住前面,奈良離我越來越近,好快就可以見到鹿仔啦


大約4點去到奈良站


睇定坐咩車返去大阪先;坐大和路線或難波車都可以返到去,有好多班次,咁就可以放心係奈良慢慢行唔洗擔心冇車走


出到奈良站,有黃昏感覺,所以要加快腳步向前行




倒影都變到咁長,要係日落前趕到奈良公園好似有少少難度




出左火車站,一條直路行到盡頭就到奈良公園,望起來有少少遠,我行慣就冇所謂啦好快就可以行到,只係如果去到已經天黑就麻煩......


連呢道都有Salzeriya,係香港D野食賣得咁平,日本都應該唔貴掛?


話時話我午餐都好似未食bor?排朱古力真係勁食完之後完全唔覺餓,見路過間便行店就買個飯團一路行一路食啦;呢道買飯團有少少難度,除左呢個之外其他飯團都係日文字,為左唔會買錯海鮮就昆布都照要啦(雖然成日食烏冬都有昆布,其實我都唔知昆布係咩...)


又要繼續行繼續行


好似到奈良公園啦


太陽仲係天上,趕到睇日落,Yeah




砲仗咁紅丫


「高約50米的興福寺五重塔是僅次於京都東寺五重塔的日本第2高的古塔,現在作爲古都奈良的象徵受到人們的喜歡。塔建造後曾6次遭火災燒毀,被指定爲國寶的現在的五重塔是西元1426年重新建造的。」

五重塔


「東金堂也作爲15世紀建造的古建築物被指定爲國寶。堂內放置著銅制藥師如來和智慧之神文殊菩薩坐像等,祈求學有所成的參拜客絡繹不絕。」

五重塔旁邊就係東金堂


遙望興福寺


月亮已經高掛


而我繼續尋找小鹿下落




忽然有兩隻鹿仔出現係身邊,不過只係望住我都唔願郁,唔同你地玩繼續搵其他鹿仔




告示牌好得意,唔知道係咩意思唔緊要,可以看圖估答案


平時睇卡通片好興黃昏時會有烏鴉飛過,原來黃昏真係有烏鴉出現,仲突然間鴉鴉聲比佢嚇一嚇,附近又暗又人影都唔多個其實有少少恐怖


仲有好多烏鴉,香港好似好少見烏鴉bor?




過馬唔去到另一面,有好多鹿仔出現,而且仲好生猛




佢地真係唔怕人,會主動走到我身邊行來行去,不過真係好對唔住,我身上冇野可以比佢食,走過來我道都冇用...






如果有野食係手就更受鹿仔歡迎,鹿仔會不停追住你,你跑去邊佢跟去邊,哈哈




有位外國人自己一個同隻鹿又影相又自拍玩左好耐,睇黎佢真係玩得好開人bor^^(心諗:係當地人眼中我咪又係外國人又係一個人影鹿,只係冇人地咁靚仔咋...><)


公園環境唔錯




講左好耐天黑,而家真係天黑啦,又到左離開既時候




遠望興福寺,寺邊多左一道金光




金光伴隨湖面,為奈良公園之旅畫上完美句號




原路返去火車站;晚上多左燈光襯托,更加感受到日本味道


真係好日本feel,同我心目中既日本好相似




慢慢行到火車站;上車之前見有好多時間就去左車站旁超級市場睇下買下野,我發覺好多火車站都有間大型超級市場係旁邊,買野真係好方便;買左一D特產返香港慢慢食,可惜只係咩住一個小背囊放唔到多野......


坐車返大阪lu


有區間快速列車去難波,唔理佢係咩快速上左車先算;上到車好快就訓著左,直到差唔多落車先訓醒,坐火車係特別舒服特別好訓


之前冇諗過返來難波架,下午收到媽媽傳來既sms話有野想買,所以就返來難波買lu;雖然好多地方都有超級市場可以買,始終難波係我最熟悉既地方,就再返來一敞睇睇;難波四圍都有五光十色既商店街




到左晚餐時間啦但就未肚餓,都係搵地方食個晚餐先;咁岩比我見到有間松屋,我想食好耐啦即刻衝入去


松屋用自動售賣機,叫野食完全冇難度;呢個好好食既牛肉飯只係280円咋,比香港吉野家更平而且更好食,仲有碗湯送,絕對係平靚正之選


附近有好多餐廳,真係好靚好吸引






仲有好多大型百貨公司








有好多時間剩唔洗咁快去機場,再四圍行下睇下








街上有聖誕裝飾


呢道有好多大型遊戲機中心,而且有好多人玩,上午未開門都可以見到有好多人排隊等入場,都唔知有咩機咁好玩?


行返去超級市場買野走lu






香港有熱狗,日本竟然有炒麵麵包!將炒麵放係麵包之上硬係覺得好奇怪


車厘龜好可愛丫


係超級市場買完野,塞滿全個背囊;然後又去到JR難波站上車


呢卡唔入得


難波再見啦


去到天王寺站,見仲有好多時間出去行下;一出站就係好多高樓大廈,又係大百貨公司




望清楚班次,20分鐘就有一班車到機場,唔怕冇車就可以慢慢行




車站附近都係有好多地下商店街


呢道超級市場賣既野真係超平,69円就有三條串燒,而家買仲有特價


半價丫


出返去商場繼續四圍行,好多店舖已經關門啦


前面突然見到有位學生咩同我一樣款背囊,而且仲著住我以前中學一樣款既校服衫(應該好易估到我讀邊間中學!),早知上前同佢相認啦,哈哈


出左去另一邊,冇高樓大廈,不過就有好多餐廳




如果唔係去要機場我都想係道食D野,話晒今次都冇食我最愛既麥當勞,算啦唔緊要,以前都食過日本麥當勞今次就唔食lu,返到香港先食都未遲




行到差唔多時間,係時候坐車去機場啦;入返天王寺站就有車直到機場,大約45分鐘就到


見有班車去日根野,都順路bor可以上車,行近一睇部車迫到上唔到,想上都冇得上


旁邊有部去和歌山,理論上呢部應該都順路,不過唔係好敢搏;去和歌山有兩條路線,阪和線﹑和歌山線,正常呢部車行阪和線就唔會有問題,但如果行左另一邊就慘啦,都係小心駛得萬年船,唔坐呢部




最後都係上去上層坐關空快速算啦,咁就咩都唔洗煩直去機場;關空快速又係好多人要企;呢部車好得意,到達日根野站就會分開一半,頭四卡車箱去機場,而尾四卡車箱會去和歌山,如果上錯車就...下個站搭返轉頭囉


唔經唔覺又再次返到呢道,已經第三次係關西空港出現,今次真係到我要離開啦...始終有少少唔捨得,日本點解可以咁靚架!


機場有JR線和南海電車可供選擇


但人地個部南海電車特急型好多


真正入去機場啦


又去返熟悉既地方


右邊個個靚位曾經陪伴左我兩晚架


咁夜都冇野好行,上去check in lu




呢個時間只係得返我坐既呢班機,以及另一班去泰國航班仲辦理check in手續,所以機場真係好靜好少人


出面冇野行就入去候機大堂休息一下


入面仲有店鋪未關門,但我都懶得入去行




需要坐車去13號閘口,唔可以行過去






而家呢邊就得返香港一班機,入到去人影都唔多個




搵到13號閘口,可以安心坐低慢慢等啦




飛機準時到達,準時離開,而我都正式離開日本


呢班機唔滿,旁邊既兩個位都冇乘客


由上機個刻已經好眼訓,不過仲想望下風景所以唔訓住;飛機起飛後可以清楚望到下面機場同和歌山既燈光,好迷人;好快就訓著左lu,直到飛機再次掂地個一刻先訓醒,全程都好好訓




點解會變左香港航空飛機既?唔理佢啦,安全載我返香港就得啦


返到機場,用最快速度過關,成功趕到5:30頭班巴士返屋企;巴士上又係訓足全程,而且仲訓到唔知醒落車,直到訓醒時巴士已經停左係總站司機都落左車lu,好彩仲未開車返機場;訓左咁多返到屋企已經精神晒,今次日本之旅完滿結束


 

日本之旅好快就結束,話就話有六日,實際上就只係得四日;四日時間去唔到好多地方,只能夠選擇一啲自己最有興趣既,而事前亦無點準備,慶祝我同妹妹都玩得好開心,好滿意今次短短既旅程;今次旅程睇左好多美景,食左好多美味既日本美食,更加可以體驗到日本文化,所有野都係意料之外;經過今次旅程,令我更喜歡日本呢個地方,無論風景、人和事,日本都比我好大驚喜,我已經計劃定將來會再到日本,希望日本不同地方都可以繼續帶比我更多驚喜;經過今次,我諗以後會將目光放得更遠,以前忽略左好多美景,現在要學習細心欣賞,哈哈^^唔知下次去邊道好呢?


< 大阪﹑京都6天遊 >

< 完 >


 

鐘意SeeWide的分享,給我們一個Like吧!
  • 攻略日期:N/A
    攻略地點:京都,其他
  • 攻略時間:1日以上
    是次消費:N/A
2人比"掂"
  • EEChan 於2014-09-19 00:59:50 留言
    我今年五月時去,奈良公園好熱鬧,好多本地學生。
  • 舉報 回覆
  • No.1
  • 林公子 於2014-09-19 01:52:20 留言
    一次過成大編文太長,拆散D易睇D~

    二條城我也沒去~上次老婆要著和服係清水寺玩左大半日~
    你腳力好強!爆走景點@0@
  • 舉報 回覆
  • No.2
  • 林公子 於2014-09-19 01:57:05 留言
    你都好堅下~
    一日玩京都+奈良仲殺埋落難波。。。。
    再去天王寺先返機場。。。。@@

    幾時寫返個詳細行程SHARE下先~
  • 舉報 回覆
  • No.3
  • 1874飛飛 於2014-09-19 09:13:21 留言
    喜歡京都, 最少都去幾次啦! 你去搵小鹿時間晚了點, 所以唔係咁多, 日間真係好多, 景都靚d, 不過影到黃昏景, 好靚
  • 舉報 回覆
  • No.5
  • 特搜總編E 於2014-09-19 12:08:21 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.6
  • Melo 於2014-09-19 15:37:25 留言
    你體力好,一日去我三日去嘅地方。。。

    上次去京都住二條城附近但佢無開,原來裡面咁靚下次要入去行下!
  • 舉報 回覆
  • No.7
  • 平凡人 於2014-09-19 22:49:22 留言
    原文由 EEChan 於 2014-09-19 00:59:50 發表
    我今年五月時去,奈良公園好熱鬧,好多本地學生。
    五月唔同季節有唔同風景,我相信都係咁靚
  • 舉報 回覆
  • No.9
  • 平凡人 於2014-09-19 23:01:51 留言
    原文由 林公子 於 2014-09-19 01:52:20 發表
    一次過成大編文太長,拆散D易睇D~

    二條城我也沒去~上次老婆要著和服係清水寺玩左大半日~
    你腳力好強!爆走景點@0@
    Sorry...呢篇比較長,其他既遊記好少會咁多字穿和服係清水寺取景真係好靚,我好多朋友都喜歡係清水寺穿和服行耐啲我ok既,哈哈~冇時間冇辦理啦,有多少少時間我都想可以慢慢hea
  • 舉報 回覆
  • No.10

最多能輸入300字

累積瀏覽 85218

全部攻略 126

全部回應 1394