0

街坊蛋糕小食班 (下)

helenhlblog 於 2014-09-19 00:00:00 發表  |  累積瀏覽 424

分類:甜品 其他
終於上最後一堂了~~ 這次就整鮮果撻及蘋果批~~~ 不過今次鮮果撻定係蘋果批的份量都係每人得3個, 似乎少了一點...


又係忙到焗完個撻皮才可以影一張相~~ 這個迷你一點的就是鮮果撻的撻皮底~~



蘋果批的批底就大D~~ 炒香了的青蘋果、糖、黑提子乾同玉桂粉好香~~ 個人很鍾意食蘋果批, 呢款仲要加了好多玉桂粉, 好正~~ 希望第時自己整都有今次的水準~~ 阿Sir今次終於顯示實力, 這些批餡是他整的~~ 不過佢買咗11個青蘋果, 整出來的餡都差d唔夠分~ 不過今次唔駛再買過啦~


完成了的鮮果撻~ 阿sir買了蜜瓜同哈蜜瓜, 然後叫我們用個工具"畢"起佢, d水果就可以整到圓形一粒粒~ 不過我整得唔好, 啲圓形散哂, 不過唔想浪費食材, 整得唔好唯有照擺上去......所以今次賣相麻麻, 不過味道ok架~~

墊住啲水果的是吉士醬, 今次知道了如何正確開吉士粉~ 另外面上有黃梅果醬定型, 阿sir今次特地拎一大罐嚟, 原來呢種果醬要加少少水, 煮滾了才可以淋面作定型~


之後就有蘋果批出爐~ 又好似一個月光咁~ 上面呢個係同學仔整~ 因為佢嗰個焗出來的色水好靚, 大家都影佢個作品~~

不過整蘋果批時, 阿sir又有烏龍事, 佢唔記得呢個批要多一塊批皮蓋面, 整少了批皮, 結果又要同學仔連續幫佢整多2次, D批皮先夠分......


輪到我自己的作品, 又係麻麻哋...而且因為課堂超時, 下午又要返工 (請了半日假去上...), 唯有熱熱哋都要脫模, 搞到散散哋......拎到返屋企都散了不少......希望第時自己整唔會有呢種情況啦~~

總結來說, 這次都有不少得著, 學了8種甜品同批的製法, 而成品大部份都幾好味~ 阿sir都尚算用心教學, 而且同學做錯了步驟都唔會勁鬧人, 不過就有少少善忘, 材料應該預多好過預少嘛......另外中心的用具同設備如果再改善一下就更好~

如果大家對食譜有興趣, 可以留下email, 說明想要哪款甜品/批的食譜, 我可以send個soft copy俾你的~~


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337587

全部攻略 333

全部回應 39