阿強的荷蘭銀行支票
大家好！我係阿強，今次講個小學雞「歇後語」。
我讀小學時，聽過不少「歇後語」，舉例：「阿婆賽跑」、「女人裸曬」、「風吹皇帝褲襠」等等，我唔覺無聊，仲讚嘆創作人幾有心思幾有創意架。
其中一個歇後語是：「荷蘭月亮」，答案是「Holland Moon - 好撚悶」。咁「荷蘭銀行支票」呢？相信大家都知道答案，無錯！就是「Holland Bank Cheque」，即是廣東話諧音：「好撚笨柒」。如果你俾人話係「荷蘭銀行支票」，咁你明啦！
我沒有在荷蘭銀行（ABN AMRO Bank）開户，只記得自己在暑假時做「辦公室助理」時，曾經幫公司到荷蘭銀行入數和提款。手中拿著張「荷蘭銀行支票」，立即驚自己中咒變成「好撚笨柒」，唓！多餘啦，其實我揸唔揸住張支票，我本身都已經好柒架啦！
好啦！遊完花園，今次講我去「風車國」：荷蘭。
抵達「阿姆斯特丹」火車站，步入市中心，聞到一陣草香味。我懶醒搶答：「應該係『鬱金香』的花香，荷蘭盛產鬱金香嘛！」立即被同行朋友指正：「唔係鬱金香呀！係大麻味呀，傻仔！」嘩！大麻？！
我睇戲就睇得多，親眼見人抽「手捲大麻煙」倒是第一次。吸食大麻在荷蘭合法化。但我就無膽無錢去試，響應政府話：「take嘢，衰硬！」嘛。
人在阿姆斯特丹，怎能不到「紅燈區」和「Sex Museum」呢？嘩！身裁惹火的歐洲小姐在玻璃房內等待嫖客。我齋睇都已經十分興奮！歐洲國家果然開放好多。但Sex Museum令我有點失望，參觀完之後，興奮欠奉，倒胃就有。
小學讀社會科，「風車」就是荷蘭的象徵，當然要去啦。原來風車咁大座架！記得小時候飲「荷蘭子母淡奶」，鐵罐的招紙上印有一個穿荷蘭民族服裝的女子，她背後就有一部大風車，今天終於可以近距離見到。還見到荷蘭芝士，成個砧板咁大！
Heineken啤酒我在香港飲過，估唔到那天我在荷蘭市中心蕩吓蕩吓，竟然無意地路經Heineken位於阿姆斯特丹的總公司，立即留影。不過講到底，我都係鐘意飲「青島菠蘿啤」多啲，貪佢有甜味。
在市中心的商業區，我終於找到「荷蘭銀行」，一間最地道最正宗的荷蘭銀行。一別十年，雖然我手中拿著的是「Thomas Cook旅行支票」，不是「荷蘭銀行支票」。但我知道我仍然係咁「笨柒」，心中不禁悵然。
完
阿姆斯特丹 - 黄耀明
作曲：黃耀明/蔡德才
填詞：周耀輝
跟背影一起旅行 竟背起一切疑問
突然在舊城內安心睡覺
便明白多麼缺乏
找我的一種旅行 自由地天昏地暗
地圖沒指引 心裡有恍惚
怪異地夜色太動人
發現我很想有什麼發生
發現我很想吻什麼別人
二人或吸引 一個也開心
我以為情願愛一生
證實我很久已沒有今日
證實我很久已沒有興奮
往事正消失 未來亦消失
趁換了天空趁一個人換個靈魂
光與影一起永恆 身與心一旦誠實
突然在石橋外走得極遠
便明白很想接近
找我的一種旅行 自由地天昏地暗
運河沒水浸 心裡有傾側
我明明用心去愛人
便明白厭倦陳舊的肉身
============================================
感謝 卡臣 提供以上資料
卡臣的網誌: http://carson-chung.blogspot.hk/
============================================
