2010年6月23日(星期三)
今朝氣温下降又落雨(我估得十幾度)…我地今朝先出發去芝士工房，睇完先知原來造芝士都好複雜咖…
跟住下一站就係去小樽... 揸左三個鐘車終於到小樽車站，真係好彩天氣轉好仲有陽光添。
我地喺街邊食燒扇貝、蠔、毛蟹、海螺，再行街掃貨。下午茶就去食好出名嘅LaTao芝士蛋糕…但大家都好似仲未夠喉…咁我地就去埋三角魚市場食魚生同蟹湯，不過蟹湯賣晒令大家有啲失望。
係時間去温泉酒店check-in，個天又開始落雨喇...仲越落越大。
我地上到房就即刻換衫去浸温泉，落大雨喺露天溫泉度浸係好特別嘅感覺。
晚餐就喺酒店食，飯後大家仲打算出去影運河夜景，但外面仲係落緊好大雨…睇黎要改吓節目喇。結果我地先食生果，然後再浸溫泉，最後仲食埋宵夜…
又落雨喇...風景仲靚...
特色早餐...豐富...
呢啲一圈圈嘅草 , 係乾糧黎咖...喺大草原有好多咖...
雨中嘅芝士工房....
中間嗰位係工房代言牛...周圍嗰啲係佢嘅產品...
喺入門口嘅擺設 , 全部木制 , 非常精細...好多人同佢地影相珈...
嘩...做芝士好辛苦咖...但好好食...
我地經過時光隧道...
冇落雨喇...呢個城堡係喺公路旁邊...
到小樽喇...
條街好靚...
建築物好有特式...古色古香...
時間到喇........要等下集...............
待續....................
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
