2010年6月21日(星期一)
今朝一早check-out之後就去左Toyota租車出發去美瑛同富良野，上網book車嗰陣已經講明要Corolla Fielda，仲要有埋ETC同英文GPS。去到見到我地架戰車係白色仲好新添，應該係6月頭至落地，可惜個GSP只有日文，好彩湯太識聽日文je，咁都冇咁驚。
由於要熟習GPS，由市區出到高速公路就用左十幾分鐘，上到高速公路要兩個幾鐘先到第一個景點七星之木，途中我同湯生輪流揸車。
當地嘅高速公路又直又靚，我地開車嘅速度…至少都一百米啦。
第二個景點係親子之木...
第三個景點係Mild Seven之丘...
第四個景點係北西之丘展望公園…全部都係睇樹木嘅。
之後到美瑛站附近食午餐，唔知係唔係太肚餓呢啲野特別好食。
跟住就係第五個景點青池，嗰度係個新景點風景好靚…點知到我地影哂相就開始落雨，於是我地就起程去今晚入住嘅民宿Cottage Himawari。
食完晚飯嘅餘興節目就係去Bestom超市逛逛，仲買左個蜜瓜番民宿食。
我地喺札幌住嗰間酒店...外面睇一啲都唔似酒店，似啲小型百貨公司多啲...
酒店外面花盤啲花就開得好靚同好特別...
我地架戰車...係新車黎咖，行左1600幾米咋...以後幾日都同我地落場，梗係同佢影番張靚相啦...拍擋笑吓啦...
戰車安裝左GPS導航 , 非常方便好用 , 行車性能極佳...一俾油就百幾米...爽...
高速公路中途休息站 , 有好多野賣咖 , 呢檔啲雪糕超好味...
有好多本地自駕遊人仕都喺度小休 , 我地遇到兩位鐵騎士...女將黎咖...好型呀...
呢度就叫做 "七星之木" , 啱啱遇到班香港人租單車自駕遊...
個景點旁邊啲樹都特別靚啲...
好出名嘅 "親子之木"...要離遠影先靚 , 為左呢張相湯生車我兜左個大圈...
呢度叫 "Mild Seven之丘"，聽人講個景點因為一個廣告而出名...差啲走雞...
北西之丘展望公園...
太太嘅大作...係唔係好靚呢...
展望公園向外展望...風景好靚，感覺好舒服...
小蜜蜂真忙...小朋友抖吓去吓旅行啦...
相片太多下集繼續..............
感謝 「毛爸毛媽毛毛豬 」 提供以上資料
個人日誌: http://mobamomamomo.blogspot.com
