海鷗已經離我哋而去，慶幸今次唔係吹到正。離香港咁遠都感受到它的威力，損失不致太嚴重。
早幾日，係小高個blog見到她煲雞腳湯，突然心癢癢，好想飲。一早買定材料，就趁打風的日子煲湯吧!
合掌瓜紅蘿蔔雪耳雞腳湯
材料:
合掌瓜 2個
紅蘿蔔 1條
雞腳 6-8隻
雪耳 1兩
豬展 半斤
南北杏 2錢
蜜棗 3粒
薑 3片
水 12碗
做法:
1. 雞腳洗淨，剪去腳甲；豬展洗淨，汆水備用。
2. 合掌瓜刨皮去芯；紅蘿蔔刨皮，洗淨切塊。
3. 雪耳浸透，剪去硬塊。其餘材料清洗乾淨。
4. 凍水放薑，滾起放入材料 (雪耳除外)。先用大火煲30分鐘，再慢火煲30分鐘。轉大火，再放入雪耳，用慢火煲1小時，加鹽調味，即成。
**小小貼士**
合掌瓜的汁有黏液, 去皮時要戴手套
累積瀏覽 244224
全部攻略 245
全部回應 148
